Charter Document - 07390360
| Charter Number: | 07390360 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis nos religiosos viros [] abbatem et conuentum de Melros terras suas homines suos et vniuersas eorundem possessiones ac omnia bona sua mobilia et inmobilia tam ecclesiastica quam mundana sub firma pace et protectione nostra iuste suscepisse Quare firmiter prohibemus ne quis eis malum molestiam iniuriam seu grauamen aliquid inferre presumat iniuste super nostram plenarium foris facturam Concessimus eciam eisdem vt nullus namos suos aut hominum suorum capiat pro alicuius debito plegiagio uel forisfacto nisi pro eorundem proprio debito plegiagio vel forisfacto saluis burgis nostris Firmiter inhibentes ne quis contra hanc concessionem nostram ipsos vexare presumat iniuste super eandem nostram plenarium foris facturam Mandamus insuper et firmiter precipimus justiciariis vicecomitibus prepositis et eorum balliuis ad quos presentes littere peruenerint vt omnes illos in eorum balliis seu burgis qui debita debent eisdem religiosis ad eadem debita eis vel eorum certo attornato latori presencium iuste et sine dilacione reddenda secundum quod iidem religiosi vel dictus eorum attornatus dicta debita sibi deberi ab eisdem racionabiliter probare poterunt vel poterit coram eis prout iustum fuerit compellant Ita quod pro eorundem defectu amplius inde iustam querimoniam non audiamus In cuius rei testimonium has litteras nostras sibi fieri fecimus patentes perpetuo duraturas Datum apud Kilwinyn vicesimo octauo die Junii anno regni nostri vndecimo