Charter Document - 07390326
| Charter Number: | 07390326 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1266 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciatis nos concessisse et hac carta nostra confirmasse concessionem et confirmacionem illam quam Alexander senescallus Scocie fecit Deo et ecclesie sancte Marie de Melros et monachis ibidem Deo seruientibus [super] donacione illam quam Ricardus le Waleys tenens ipsius Alexandri fecit eisdem monachis de terra sua de Barmor et de Godeneth per rectas diuisas suas vna cum concessione et quieta clamacione quas idem Alexander fecit eisdem monachis et hominibus eorundem de sequela curie eiusdem Alexandri et de libertate emendi uendendi et telonei ac curie et placita sua tenendi in tenemento ipsorum de Carentabel et de Mauchlyn et de Barmor et foris facta amerciamenta et eschetas eorundem placitorum capiendi adeo libere quiete plenaria et honorifice in omnibus sicut scriptum ipsius Alexandri eisdem monachis inde confectum plenius iuste testatur saluo seruicio nostro Testibus Alexandro Cumyn comite de Buchan justiciario Scocie Patricio comite de Dunbar et Roberto de Brus apud Scon quarto decimo die Aprilis anno regni nostri septimo decimo