Charter Document - 07390323
| Charter Number: | 07390323 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1264 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Sciant presentes et futuri nos concessisse et hac carta nostra confirmasse donacionem illam quam Alexander senescallus Scocie fecit Deo et ecclesie sancte Marie de Melros et monachis ibidem seruientibus et inposterum seruituris pro salute sua vxoris sue et omnium antecessorum et successorum suorum de omnimodo iure et clamo quod idem Alexander vel heredes sui habuerunt vel habere poterunt in terris et pasturis de Mauhelyn et de Carnetabell et pertinenciis suis ab antecessoribus eius eisdem monachis datis et concessis ex vtraque parte fluminis de Are sine aliquo retene mento ad vnam pitanciam annuam conuentui de Melros inperpetuum faciendam die sancti Jacobi apostoli Concedimus etiam et confirmamus concessionem illam quam idem Alexander fecit eisdem monachis de eisdem terris et pasturis tenendis et possidendis cum omnibus iuribus libertatibus et pertinenciis suis in liberam puram et perpetuam elemosinam in bosco et plano in pratis et pascuis in viis et semitis in moris et maresiis aquis stagnis et molendinis tam aquariis quam ventoriis cum feris auibus piscibus et omnibus aliis que infra dictas terras et pasturas inuenta sunt vel poterunt inueniri tam subtus terram quam supra ad ipsum Alexandrum et heredes suos spectancia uel spectare debencia ita libere quiete plenaria et honorifice sicut carta eiusdem Alexandri quam dicti monachi de eisdem terris et pasturis habent plenius iuste testatur saluo seruicio nostro Testibus Patricii comite de Dunbarr Hugone de Berkeley justiciario Laodonie Waltero de Morauia Johanne de Lambirtun Simone Fraser et Bernardo de Monte Alto apud Traquayr duodecimo die Decembris anno regni nostri sexto decimo