Charter Document - 07390310
| Charter Number: | 07390310 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1264 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Cum inter cetera monasteria regni nostri monasterium de Melros specialius diligamus patris nostri karissimi vestigiis inherentes concessimus et hac presenti carta [con]f[irm]auimus abbati et conuentui eiusdem monasterii omnes cartas confirmationes libertates et iura predecessorum nostrorum regum Scotie illustrium eisdem concessa Tenendas et habendas eisdem abbati et conuentui et eorum successoribus in perpetuum secundum tenorem dictorum cartarum confirmationum et iurium ac libertatum adeo libere quiete plenaria et honorifice sicut carte et confirmationes dictorum libertatum et iurium predictorum predecessorum nostrorum eisdem confecte plenius iuste testantur Testibus Hugone de Berkeley justiciario Laodonie Eymero de Maxwell justiciario Galwath Nicholao Corbetth Guydone de Balliol et Johanne de Lamberton apud Selekirk nono die Decembris anno regni nostri sexto decimo