Charter Document - 07390309
| Charter Number: | 07390309 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1264 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scocie omnibus probis hominibus tocius terre sue salutem Sciatis quod cum temporibus antecessorum nostrorum regum Scocie illustrium et nostris hactenus ex antiqua consuetudine approbata et iure communi per regnum nostrum Scocie ita fuerit visitatum quod tam viri religiosi quam alie persone per patriam transeuntes cum cariagiis suis in quemcumque feodum venerint per vnam noctem moram contrahere licite possint in eodem animalia sua ibidem extra segetes et prata pascendo secundum quod per instrumenta et scripta dictorum antecessorum nostrorum satis euidenter intelleximus Nos eandem consuetudinem et ius commune firmiter obseruari volentes firmiter inhibemus ne quis contra hanc consuetudinem et ius commune monachis de Melros uel aliis viris religiosis per quascumque partes ipsos transire contigerit malum inferat iniuriam aut impedimentum quo minus cum auerijs suis et cariagijs extra segetes et prata pascendo libere possint transire super nostram plenarium foris facturam Testibus Hugone de Abirnithin Willelmo Comin de Kellebride Johanne de Lambirton apud Melros xxi die Julii anno regni nostri sexto decimo