Charter Document - 07390175
| Charter Number: | 07390175 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1231 |
| Date type: | Internal, Calendar, Regnal |
| Resource Link(s): |
People of Medieval Scotland Models of Authority |
Charter:
Alexander Dei Gratia Rex Scottorum Omnibus Vicecomitibus totius terre sue Salutem Mandamus Vobis firmiter precipientes quatinus cum Monachi uel fratres de Melros ad vos accesserint de aliquibus malefactoribus conquerentes qui aueria sua uel pecuniam suam furtim abduxerint uel subtraxerint causas dictorum monachorum et fratrum de Melros tamquam causam nostram propriam prosequamini appellationes et responsiones contra ipsorum malefactores secundum genus cause sue facientes et pugnatorem si forte opus fuerit ex parte nostra eisdem monachis et fratribus inuenientes donec causa eorundem consideratione virorum discretorum uel compositione mediante fine debito terminetur Cum autem causa sepe dictorum Monachorum uel fratrum fine debito sicut dictum est fuerit terminata et malefactores eorum in sua fuerint conuicti uel quasi conuicti malitia volumus ut dictis Monachis uel fratribus aueria sua uel pecunia que eisdem fuerint sublata de catallis malefactorum suorum plene sint restituta Foris facta uero et amissiones in quas dicti malefactores uel eorum plegii per delicta sua inciderint ad nostram potestatem secundum quod Ius decreuerit omnino deuoluantur Fratres autem de Melros et eorundem homines Latores presentium sub firma pace nostra et protectione iuste suscepimus firmiter prohibentes ne quis Iniuriam molestiam uel grauamen aliquod eisdem iniuste inferat uel inferre presumat super nostram plenarium foris facturam Testibus Thoma Comite Athol Iohanne de Maccuswell Camerario Ingeramo de Baill Roberto capellano Dauid Mariscallo Douenaldo de Mar Thoma de Normanuill Willelmo de Bonekil apud Melros nono decimo die Marcii anno regni domini Regis Septimo decimo