Charter Document - 07390112
| Charter Number: | 07390112 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1184 |
| Date type: | Assigned |
| Resource Link(s): |
People of Medieval Scotland Models of Authority |
Charter:
Willelmus dei gratia Rex Scottorum omnibus probis hominibus tocius terre sue salutem Sciatis quod me presente et presentibus episcopis baronibus et pluribus aliis probis hominibus Regni mei die Sancti Luce Euangeliste inter monachos de Meylros et homines de Wedal super pastura foreste mee quam antecessores mei et ego dictis monachis de Meylros in puram et perpetuam elemosinam dedimus per iuramenta fidelium uirorum facta fuit perambulacio et certa finium limitacio Iurauerunt siquidem coram me et probis hominibus meis predicti fideles quod foresta mea que est pastura dictorum monachorum de Meylros tendit usque ad uiam que uadit ad occidentem parte ecclesie de Wedale et usque ad Riuulum qui uocatur Fasseburne Quare uolo concedo et precipio quod dicti monachi totam prefatam pasturam cum omnibus aisiamentis et libertatibus suis pacifice teneant et possideant usque ad prefatas diuisas in puram liberam et perpetuam elemosinam proprie sibi et suis successoribus Ita quod nulli communiam habeant inter ipsos aut cum ipsis infra prefatas diuisas predicte pasture saluis mihi et heredibus meis feris et auibus et uenacione infra dictam forestam Testibus Ricardo Episcopo Sancti Andree Iocelino Episcopo Glasg Iohanne de Kalchou Osberto abbate de Iedword Comite Dauid Ricado de Moruyll constabulario et multis aliis