Charter Document - 07390111

W[illelmus] Dei gratia rex Scott[orum] Episcopis Abbatibus Comitibus Baronibus Justiciis Vicecomitibus et Omnibus probis hominibus totius terre sue Clericis et Laicis Salutem Sciatis me fecisse pacem inter monachos de Melros et Ricardum de Moreuill et heredes eius super controuersia que erat inter monachos de Melros et Ricardum de Moreuill de foresta inter Galhe et Leder per has diuisas scilicet per fluuium Galhe uersus monachos ab orientali parte eiusdem fluminis sursum usque ad terminos de Wedale et item per rectas diuisas terre Ricardi de Moreuill scilicet de sicut Mereburne cadit in Leder usque ad sursam eiusdem Mereburne et inde per Sicum qui exit de Mereburne usque ubi sicus ille cadit in Riuulum de Standene et inde usque ad pot et de pot usque ad standande stan et sic deinceps usque ad uiam regiam ubi illa intrat nemus et diuidit nemus de Standene et de Threpwude et sic per eandem Regiam uiam usque ad Faireforde et postea per illam uiam que uadit in dextrum usque ad predictos terminos de Wedale et sic per rectos terminos de Wedale usque in Galhe Ricardus de Moreuill et Willelmus heres eius clamauerunt quietum de se et heredibus suis Deo et Sancte Marie de Melros et monachis ibidem Deo seruientibus quicquid iuris et Calumpnie habuerunt de Bosco et Pastura infra prenominatas diuisas uersus austrum ab illa uia que diuidit Threpwude et nemus de Standene excepto quod Ricardus de Moreuilla et heredes illius habebunt illud nemus quod uocatur Threpwude sine pastura quod eis monachi quietum clamauerunt per has diuisas scilicet de Fairforde deorsum per Aloent usque ad mussam que est inter Threpwude et Cumbesleie cnol et sic per eandem mussam usque ad predictum pot Monachi autem de Melros habebunt totum Reliquum nemus inter Galhe et Leder per predictas diuisas libere quiete et plenaria et utentur eo ad suos proprios usus sicut eis placuerit et utilius fuerit sine dare et uendere Habebunt etiam monachi de Melros infra diuisas prescriptas totam pasturam infra boscum et extra tam de Threpwude quam de reliquo nemore ad sua propria aueria quietam et solutam ac perpetuo tenore possidendam et tenendam et utendam sicut eis utilius fuerit et locum in Cumbesleie ad edificandum unam vaccariam centum uaccarum et unam faldam et tantum edificii in Bucchehelm quantum ibi fuit die quo Cyrographum istud factum erat et in loco ubi tunc fuit ita quod tantum edificii et non magis ibi habeant quam tunc fuit et non liceat eis alibi in foresto edificia facere nisi per licentiam Ricardi de Moreuill aut heredum suorum Ricardus uero et heredes eius non facient nec habebunt domum nec scalingas nec logias nec sepem nec ullum omnimodo opus manuale in Threpwude nec alibi infra prenominatas diuisas scilicet inter Galhe et Leder Nec monachi calumniabuntur ultra prenominatas diuisas uersus Louweder Monachi uero de Threpwude nichil capient nisi pasturam et Ricardus et heredes eius de pastura eiusdem Threpwude et de tota alia pastura et de toto Reliquo nemore infra predictas diuisas inter Galhe et Leder nichil habebunt preter saluaginam bestiarum et auium Ricardus habebit suum forestarium ad custodiendam suam saluaginam et monachi habebunt suum forestarium ad custodiendum nemus suum et pasturam Ricardus habebit omnia foris facta de foresta Et si forestarius Ricardi uel forestarius monachorum inuenerit aliquem facientem monachis dampnum uel iniuriam de Bosco suo uel pastura aut de pecoribus suis monachi habebunt emendationem scilicet Trigild et Ricardus foris factum Et si Ricardus aliquem ex seruientibus monachorum calumpniatus fuerit de predicta foresta monachi facient rectum Ricardo de seruiente suo ad portam de Melros Et si aliquis ex seruientibus monachorum super saluaginam Ricardi fuerit captus aut de defensione sua ad portam de Melros defecerit et sit conuictus monachi dabunt Ricardo mercedem seruientis de dimidio anno et postea ipsum seruientem amouebunt a se et ab abbatia et ulterius illum non retinebunt nisi per uoluntatem Ricardi Suprascriptas uero diuisas inter monachos et predictum Ricardum ego cum Episcopo de Glasgu et fratre meo et Comitibus et probis hominibus meis perambulaui Ista compositio inter monachos et Ricardum et heredes eius in mea presentia et curia est facta et pax ista me concedente et confirmante inter eos est firmata Quare uolo et precipio ut ista pax et compositio quam in utraque parte scilicet monachorum et Ricardi meo sigillo confirmo stabilis et firma atque illesa ab eis perpetualiter teneatur Quod si aliquis illorum siue successorum aut heredum suorum a prescripta compositione aliquo tempore resilire uoluerit ego et heredes mei ab eis et eorum successoribus et heredibus illam firmiter teneri faciemus Ad testificandam uero perpetuam unitatem et firmitatem huius compositionis cum sigillo meo Jocelinus Glasguensis episcopus et Dauid frater meus in utraque parte cyrographi sua sigilla apposuerunt et Abbas pro se et pro conuentu de Melros in parte Ricardi suum sigillum posuit et Ricardus pro se et pro suis heredibus in parte monachorum suum sigillum posuit Et quia Ricardus et Willelmus heres eius clamauerunt quietum de se et heredibus suis quicquid iuris et calumpnie habuerunt de prenominato Bosco [et] pastura infra prescriptas diuisas inter Galhe et Leder monachi dederunt Ricardo centum marcas argenti His testibus Siluano Abbate Rieuallensi Hugone Abbate de Neubothl Abbate Radulfo de Cubro Willelmo Abbate de Dundreinan Comite Dunecano Waltheuo Comite Gilberto Comite Nicholao de Treilin Petro de Ros Waltero Olifard Willelmo de Lindeseie de Luffenac Stephano Camerario Rollando filio Huctredi Philippo de Valuin Alano filio Walterif Willelmo de Mortemer Rogero de Valuin