Charter Document - 07390098
| Charter Number: | 07390098 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1193 |
| Date type: | Assigned |
| Resource Link(s): |
People of Medieval Scotland Models of Authority |
Charter:
Willelmus Dei gratia Rex Scottorum episcopis Abbatibus Comitibus Baronibus Justiciis Vicecomitibus prepositis ministris et omnibus probis hominibus tocius terre sue clericis et laicis Salutem Sciant presentes et futuri me concessisse et hac carta mea confirmasse Deo et ecclesie Sancte Marie de Melros et monachis ibidem Deo seruientibus illam quietam clamationem quam Alanus filius Walteri dapifer meus eisdem monachis in presentia et plena curia mea fecit de tota calumpnia et omni iure quod predictus Alanus aut heredes sui habuerunt uel unquam habere poterunt de pastura ex occidentali parte de Leder Quare uolo et precipio ut prefati monachi de Melros prenominatam pasturam teneant inperpetuum et habeant liberam et quietam de omni calumpnia de prefato Alano et heredibus [suis] ita libere et quiete plenaria et honorifice sicut carta predicti Alani filii Walteri dapiferi testatur Testibus Jocelino episcopo Glasguensi Johanne episcopo Dunkeldensi Comite Dauid fratre meo Comite Dunecano Comite Gilberto Willelmo de Moruilla constabulario Willelmo de Lindes Malcolmo filio Comitis Dunecani Waltero de Berk Roberto de Berk Henrico de Graham Apud Edenburg