Charter Document - 07390096
| Charter Number: | 07390096 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1191 |
| Date type: | Assigned |
| Resource Link(s): |
People of Medieval Scotland Models of Authority |
Charter:
W[illelmus] Dei Gratia Rex Scott[orum] Episcopis Abbatibus Comitibus baronibus Justiciis Vicecomitibus prepositis et Omnibus probis hominibus tocius terre sue clericis et laicis salutem Sciant presentes et futuri me dedisse et hac presenti carta mea confirmasse Deo et ecclesie Sancte Marie de Meilros et monachis de Rieualle ibidem Deo seruientibus pro animabus patris mei et matris mee et Regis Dauid aui mei et pro salute anime mee et omnium fratrum et sororum et antecessorum et successorum meorum in liberam et puram et perpetuam elemosinam totam landam de Bleineslei per diuisas nominatas in carta Ricardi de Moreuilla ad arandam et colendam sicut eis melius et utilius uisum fuerit sine sarto faciendo et licentiam faciendi edificia sua ubi uoluerint super riuulum qui est inter Blaineslei et Milcheside et totam terram de Milcheside quam Ricardus de Moreuill et heres eius eis dederunt et cartis suis confirmauerunt per easdem diuisas que in cartis eorum continentur et capellam de Parco sicut in cartis eisdem continetur et edificia de Cumbesleia et de Buchelm et de Witheleia sicut fuerunt ad festum Sancti Michaelis proximum post primam coronationem Ricardi filii Henrici Regis Anglie ita quod non ampliora aut plura edificia ibi faciant quam tunc temporis ibi fuerunt nisi per licentiam meam Et ut nullus forestariorum meorum det uel uendat [boscum] infra diuisas eorum que in mea carta continentur Hec autem omnia do et concedo eis perpetuo tenore possidere et hac carta mea confirmo in liberam et perpetuam elemosinam et uolo et precipio ut omnia supradicta habeant et possideant ita libere et quiete plenaria et honorifice sicut ulla elemosina liberius et quietius plenius et honorificentius haberi potest et possideri a monachis ordinis Cisterciensis Testibus Jocelino episcopo Glasguensi rnaldo Abbate de Rieualle Hugonec cancellario meo Roberto capellano meo Phillippo de Valloniis Roberto de Londoniis Willelmo de Lindesei Malcolmo filio Comitis Dunecani Willelmo Cumin Geruasio Auenel Willelmo de Haia Adam filio Gilleberti Adam de Sireis Adam de Stanfort Herberto Marecallod apud Trauerquer