Charter Document - 07390093
| Charter Number: | 07390093 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1180 - 1193 |
| Date type: | Assigned |
| Resource Link(s): |
People of Medieval Scotland Models of Authority |
Charter:
Willelmus dei gratia Rex Scottorum Episcopis Abbatibus Comitibus Baronibus Iusticiis Ministris et Omnibus probis hominibus totius terre sue Clericis et laicis salutem Sciatis me dedisse et hac mea carta confirmasse deo et sancte Marie et ecclesie de Mailr et Monachis ibidem deo seruientibus pro anima Reg Dauid aui mei et p[ro] anima Henrici comitis patris mei et Matris mee et pro anima Malcolmi regis et pro salute mea et omnium antecessorum et successorum meorum illam partem terre de Lemeslei quam Rex Dauid concesserat forestariis suis et Ego postea Willelmo filio Oein concesseram Scilicet illum toftum et Mesagium quod predictus Willelmus tenuit et possedit Vt edificent illud sicut eis utilius uisum fuerit pro libitu suo Et liceat eis arare et colere totam terram illam tantum que ante fracta fuerat et arata cum omnibus libertatibus foreste inter Galeghe et Ledre sicut continetur in cartis Antecessorum meorum et meis Hanc ergo terram concedo eis et presenti carta confirmo in perpetuam Elemosinam Vt eam habeant et possideant predicti Monachi Libere et quiete plenaria et honorifice sicut aliqua Elemosina quietius et liberius teneri potest Solutam ab omni terreno seruicio et seculari exaccione Ita quod Ego et heredes mei warantizabimus eis hanc terram contra omnes homines His testibus Osberto abbate de Kelcho Hugone abbate de Nevbotle Willelmo Malueisin Ricardo de la Prouende Hugone del Seel Dauid comite fratre Regis Roberto de Quinci Hugone Ridel Ricardo de Munfichet Philippo de Valuin Rogero de Valuin Waldeuo filio Baldewin Alexandro de seint Martin Herueio le mareschal Ricardo de marescal Roberto de seint Michael Alano filio Hugonis senescallo comitis Dauid Ricardo filio Eissun Adam de Stanford