Charter Document - 07390091
| Charter Number: | 07390091 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1193 |
| Date type: | Assigned |
| Resource Link(s): |
People of Medieval Scotland Models of Authority |
Charter:
W[illelmus] Dei Gratia Rex Scott[orum] Episcopis Abbatibus Comitibus Baronibus Justiciis Vicecomitibus prepositis Ministris et Omnibus Probis Hominibus tocius sue terre clericis laicis Salutem Sciant presentes et futuri me concessisse et hac carta mea confirmasse Deo et Ecclesie Sancte Marie de Melros et monachis ibidem Deo seruientibus donacionem quam Robertus de Berkel et Cecilia filia Liulfi Sponsa eius eisdem monachis fecerunt de illa carrucata terre in territorio de Mackestun quam predictus Robertus prefatis monachis perambulauit et per easdem diuisas que continentur in carta prenominati Roberti et Cecilie Sponse sue et cum communibus aisiamentis eiusdem uille tam in pasturis quam in aisiamentis fochalium et petram quadrari de Alwerdene ad sufficienciam ad edificia domus de Melros edificanda Sicut in carta predictorum continetur Quare uolo et firmiter precipio ut predicti monachi prefatam terram cum omnibus suprascriptis aisiamentis habeant et possideant in liberam et puram et perpetuam elemosinam ita libere et quiete plenaria et honorifice sicut aliqua alia elemosina in toto Regno meo liberius et quiecius plenius et honorificencius tenetur et possidetur et sicut carta predicti Roberti de Berk et Cecilie sponse sue testatur et confirmat saluo seruicio meo et saluis decimis ecclesie de Mackestun Testibus Hugone Cancellario meo Roberto et Radulfo capellanis meis Ricardo de prebenda clerico meo Roberto de London Willelmo de Lindes Malcolmo filio Comitis Dunecani Willelmo Cumin Willelmo de Haia Willelmo Giffard Waltero de Berkel Camerario Herberto de Camera Apud Forfare