Charter Document - 07390085
| Charter Number: | 07390085 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1200 - 1214 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scott[orum] omnibus probis hominibus totius terre sue clericis et laicis salutem Sciant presentes et futuri me concessisse et hac mea carta confirmasse Deo et ecclesie Sancte Marie de Melros et monachis ibidem Deo seruientibus totam illam partem terre in territorio de Killebeccokestun quam Alanus filius Rollandi eis dedit per diuisas nominatas in carta ipsius Alani in escambium terre quam Willelmus de Moreuill eis diuisit in Cunigham Quare uolo et precipio ut predicti monachi predictam terram habeant et teneant in puram et perpetuam elemosinam per predictas rectas diuisas nominatas in carta predicti Alani et cum communi pastura eiusdem uille ad certum numerum pecudum et aueriorum nominatorum in eadem carta et libero egressu et aliis aisiamentis eiusdem uille ita libere et quiete plenaria et honorifice sicut carta eiusdem Alani testatur saluo seruicio meo Testibus []