Charter Document - 07390023
| Charter Number: | 07390023 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1174 |
| Date type: | Assigned |
| Resource Link(s): |
People of Medieval Scotland |
Charter:
[Willelmus] rex Scottorum vicecomiti de Berwic et prepositis et ministris et omnibus burgensibus de Berwic salutem Sciant tam posteri quam presentes me pro salute anime mee et antecessorum et successorum meorum concessisse et dedisse ecclesie de Melros et fratribus monachis ibidem Deo seruientibus et eorum successoribus inperpetuum domum et terram Willelmi Lunnok in cornerio de Briggat in Berwic sicut se extendit in longitudine de Briggate usque in aquam de Twede uersus austrum et in latitudine de terra Aernaldi Hanyn uersus occidentem usque in terram Walteri filii Alani senescalli mei uersus orientem quam idem Willelmus mihi sursum reddidit et seruicium eiusdem [Willelmi] et heredum suorum de omnibus aliis terris suis in Berwic Quare volo et precipio quod dicti abbas et conuentus habeant dictas domum terram et seruicia in liberam et puram elemosinam inperpetuum nichil inde facientes temporibus pacis uel guerrarum preter orationes et elemosinas infra monasterium suum Et quod ipse Willelmus sit quitus de omnibus consuetudinibus et seruiciis que ad me et ad villam pertinent seruiendo abbati et monachis predictis ipse et heredes sui sicut mihi fecerunt Testibus []