Charter Document - 07390013
| Charter Number: | 07390013 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland Models of Authority Models of Authority |
Charter:
Willelmus dei gratia Rex Scottorum Episcopis Abbatibus Comitibus Baronibus Iusticiis Ministris et Omnibus probis hominibus totius terre sue Clericis et Laicis Salutem Sciatis me pro anima mea et pro animabus patris et matris mee et Aui mei regis D[avid] et fratrum et sororum et Antecessorum et Successorum meorum concessisse et dedisse Deo et ecclesie Sancte marie de Melr et monachis ibidem deo seruientibus de Rieualle in perpetuam et liberam elemosinam terram de Melros et terram de Eldune et terram de Dernewich libere et honorifice perpetuo tenore possidere Insuper sciatis me dedisse et concessisse eis per totum forestum meum de Seleschirche et de Treuequair Aisiamenta sua Scilicet ligna materiem et pasnagium ad suos proprios usus ubicumque sibi melius et vtilius poterunt inuenire Insuper do eis et confirmo totam pasturam per fluuium Galche uersus eos scilicet ab orientali parte sicut idem fluuius currit usque ad terminos de Wedale et inde per rectas diuisas terre Ricardi de Moreuilla scilicet de Galche usque ad leddre et totum usagium nemoris infra prenominatas diuisas ad suos proprios usus sicut opus eis fuerit Preterea et in aquis de Tweda infra terminos eorum piscaturam tam ex mea parte fluminis quam ex eorum parte ubique Et preter supradicta dedi et concessi eis ad incrementum Galtuneside per has diuisas scilicet sicut fluuius cadit in Thweda et ita sursum usque ad Burnam de Fachope que cadit in Leddre Et ita sursum per eandem burnam et sic per transuersum moram usque ad Raburne que cadit in Aloent et sic per eundem fluuium de Aloent usque in Thwedam Preter omnia prenominata dedi et Concessis eis in inferiori parte de Cumbesleia locum ad edificandam unam uaccariam centum uaccarum et unam Faldam Dedi et concessi eis piscariam de Seleschirche et unum rete in Berewichstrem de duobus retibus meis que habui in Berewichstrem ita libere et quiete sicut ipse melius tenui ad opus meum Hec autem omnia predictis monachis de Melr do et concedo et hac Carta mea confirmo in perpetuam et liberam elemosinam et uolo et precipio ut omnia supradicta ita libere et quiete plenaria et honorifice teneant sicut carta Regis Malcolmi fratris mei testatur et confirmat His testibus Waltero Bidun Cancellario Comite Dunecano Ricardo de Morevuilla constabulario Ricardo Cumin Iusticia Roberto Auenel Waltero de Berchelaie Camerario Willelmo de Sumeruilla Waltero Ridale Hugone clerico regis Willelmo capellano Roberto Capellano Hugone clerico Cancellarii Magistro Iohanne Comite Waltheuo Waltero filio Alani Dapifero Alano filio eius Thoma de Muscamp Willelmo de la Haie Radulfo Ruffo Apud Rokesburch