Charter Document - 07384001

Preceptum fuit vicecomiti cum ex gravi querela Fratris Alani de Eston et magistri Hugonis de Staunford procuratorum seu attornatorum religiosorum virorum abbatis et conuentus monasterii Radyng quod de elemosinis progenitorum regis regum Anglie et regis est fundatum nuper acceperat rex quod cum celebris memorie dominus David quondam rex Scocie monasterium predictum et monachos ibidem tunc Deo seruientes et successores suos de prioratu de May cum pertinentiis dyoecesis Sancti Andree infra regnum Scocie per cartam suam in liberam puram perpetuam elemosinam feofasset ita videlicet quod iidem monachi et successores sui prioratui predicto per nouem de com monachis suis sacerdotibus pro anima prefati regis David et animabus predecessorum et successorum suorum regum Scocie diuina celebrantibus inperpetuum facerent deseruiri et prefati monachi dicti monasterii successoresque sui prioratum predictum cum omnibus suis pertinenciis per feoffamentum huiusmodi semper pacifice tenuissent quousque quidam Robertus de Burghgate nuper abbas monasterii predicti predecessor predicti abbatis prioratum predictum dissenciente maiore et saniore parte conuentus sui regeque inconsulto venerabili patri Willelmo episcopo Sancti Andree alienauit in Regis preiudicium et exheredacionem dicti monasterii manifestam Cumque iidem procuratores seu attornati ad presenciam dilecti et fidelis Regis Johannis regis Scocie accesserint et ipsum instanter et pluries requisierint quod ipsos iniurias ipsorum abbatis et conuentus curaret audire et super peticione sua quam faciebant de prioratu predicto cum pertinenciis sibi facere ius et iusticie comple mentum offerentes se paratos docere de predicto iure ipsorum abbatis et conuentus in forma debita coram eodem rege Idem rex habito processu diutino super premissis inter partes memoratas coram eo pretextu cuiusdam appellacionis conficte ab audiencia sua per prefatum Episcopum ad sedem apostolicam interiecte eidem appellacioni minus proinde deferens vt dicitur et in ipso negocio vlterius procedere non curans eisdem procuratoribus seu attornatis audienciam in hac parte contra iusticiam denegauit propter quod iidem procuratores seu attornati nomine predictorum abbatis et conuentus a juris defectu seu justicie denegacione a prefato rege ad regem vt ad superiorem ipsius regni Scocie dominum appellarunt petentes et supplicantes per regem in sui defectum sibi iusticiam exhiberi iuxta quod racione superioritatis domini quod in eodem regno habet rex ad se dinoscitur pertinere Cum igitur prefatum Johannem regem Scocie per literas regis quas ei per vicecomitem Rex mandauit adi ornatuique rex quod esset coram rege in quintanam sancti Martini et eciam in octavis sancte Trinitatis ultimo preteritis vbicunque [] responsuri super premissis prefatis ab bati et conuentui quibus eosdem dies assignauit rex coram se ad faciendum et recipiendum similiter in eisdem quod justicia suaderet propter quod preceptum fuit vicecomiti quod literas regis predictas in propria persona sua prefato regi deferret et presentaret sufficienti testimonio secum adhibito et qualiter hoc precepto [] scire fac regem in octavis sancte Trinitatis predictis per literas suas distincte ac certificaret et aperte Et vicecomes mandauit quod ad prefatum regem Scocie apud Lanark die Mercurii in festo sancte Scolastice virginis accessit et per testimonium Johannis Comyn Alexandri de Balliolo Hugonis de Euere et Walteri de Camhowe tradidit et liberauit ipsi regi Scocie breue regis quod sibi inde venit qui coram rege ad predictas octavas sancte Trinitatis venire non curauit proper quod tercio duxit rex prefatum regem Scocie coram se adiornandum per breve regis quod vicecomiti misit rex eidem regi Scocie ex parte regis deferendum propter quod iterum preceptum fuit vicecomiti quod in propria persona sua accederet ad regem Scocie predictum et breue regis predictum de adiornando ipsum coram rege hic scilicet a die Pasche in vnum mensem sub testimonio fide dignorum ad hoc idoneorum ei sine dilatione deferret presentet traderet et liberet Et modo predictus Johannes rex Scocie solempniter vocatus non venit Et vicecomes mandauit quod accessit apud Scone die Lune in crastino Pasche et in presencia Alexandri de Cheswyk Gerardi de Wesebrig Roberti de Creswell et Ade de Rowe tradidit et liberauit predicto domino Johanni regi Scocie breve domini regis Edwardi illustris regis Anglie iuxta tenorem in brevi contentum [] Igitur preceptum est vicecomiti quod in propria persona sua accedat ad regem Scocie et breve domini regis Anglie quod quarto ei mittitur de adiornando predictum regem Scocie quod sit coram domino rege Anglie a die sancti Michaelis in vnum mensem proximo futurum sub testimonio fide dignorum ad hoc idoneorum deferet presentet et liberet et qualiter [] scire faciet Regem ad prefatum terminum Mandatum est etiam regi Scocie per breue domini regis Anglie quod ostenderet ad prefatum terminum quare non fuit coram domino rege Anglie in quin dena sancti Martini nec eciam in octavis sancte Trinitatis nec eciam a die Pasche in vnum mensem vltimo predictum sicut adiornatus fuit Et quod presumitur per permissa [] quod processus aliquis super premissis habitus fuit coram rege Scocie ante appellacionem predictam [] mandatum est predicto regi Scocie quod habeat ad prefatum terminum re cordum et processum predicta cum omnibus ea tangentibus [] vt inspectis [] fieri faciat dominus rex quod iustum fuerit []