Charter Document - 07383001
| Charter Number: | 07383001 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1293 |
| Date type: | Assigned |
| Resource Link(s): |
People of Medieval Scotland |
Charter:
Rex et superior dominus regni Scotie dilecto et fideli suo Johanni eadem gracia regi Scotie illustri salutem Fratre Alano de Eston et magistro Hugone de Staunford procuratoribus sive attornatis religiosorum virorum abbatis et conventus monasterii Rading quod de elemosinis progenitorum nostrorum regum Anglie et nostris est fundatum exponentibus accepimus quod cum celebris memorie dominus David quondam rex Scotie predecessor vester monasterium predictum et monachos ibidem tunc Deo servientes et successores suos de prioratu de May cum pertinentiis dioecesis Sancti Andree infra regnum vestrum per cartam suam in liberam puram et perpetuam elemosinam feofasset ita videlicet quod iidem monachi et successores sui prioratui predicto per novem de com monachis suis sacerdotibus pro anima prefati regis David et animabus predecessorum et successorum suorum regum Scotie divina celebrantibus inperpetuum facerent de serviri et prefati monachi successoresque sui prioratum predictum cum omnibus suis pertinentiis per feoffamentum huiusmodi semper pacifice tenuissent quousque quidam Robertus de Burghgate nuper abbas monasterii predicti predecessor predicti abbatis prioratum predictum dissentiente majore et saniore parte conventus sui nobisque inconsultis venerabili patri Willelmo episcopo Sancti Andree alienavit in nostri preiudicium et exheredationem dicti monasterii manifestam Cumque iidem procuratores sive attornati ad vestram presentiam accesserint et vos instanter et pluries requisierint quod ipsos in iure predictorum abbatis et conventus curaretis audire et super petitione sua quam faciebant de prioratu predicto cum pertinentiis sibi facere jus et justitie complementum offerentes se paratos docere de predicto jure ipsorum abbatis et conventus in forma debita coram vobis vos habito processu diutino super premissis inter partes memoratas coram vobis pretextu cujusdam appellacionis conficte ab audientia vestra per prefatum episcopum ad sedem apostolicam interjecte cui minus provide ut dicitur detulistis in ipso negotio ulterius procedere non curantes eisdem procuratoribus sive attornatis audientiam in hac parte contra justitiam denegastis propter quod iidem procuratores seu attornati nomine predictorum abbatis et conuentus a juris defectu seu justitie denegatione a vobis ad nos ut ad superiorem ipsius regni Scotie dominum appellarunt petentes et supplicantes per nos in vestri defectum sibi justitiam exhiberi juxta quod ratione superioritatis dominii quod in eodem regno habemus ad nos dinoscitur pertinere Cum igitur justa petentibus non sit denegandus auditus et in exhibenda justitia sumus omnibus debitores vos adornamus quod sitis coram nobis a die sancti Martini proxime futuro in xv dies ubicumque tunc fuerimus in Anglie responsurus predictis abbati et conventui super premissis et facturus et recepturus quod justum fuerit quem diem eisdem abbati et conventui assignavimus coram nobis ad faciendum et recipiendum similiter in eisdem quod justitia suadebit In cuius []