Charter Document - 07381002
| Charter Number: | 07381002 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1318 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis presentes litteras inspecturis Willelmus miseracione diuina Sancti andree episcopus salutem in Domino Ad vniuersitatis vestre noticiam volumus peruenire quod cum omne jus monasterii de Reddyngis in Anglie quod habuit in prioratu de May et de Petynwem in monasterium Sancti Andree omnimodo sit translatum Dictusque prioratus predicto monasterio de Reddyngis annuam pensionem sex decem marcarum antiquitus solebat persoluere Auctoritate episcopali ordinamus de consensu religiosi viri domini Martini nunc prioris eiusdem prioratus quod dicta pensio annua monasterio Sancti Andree de dicto prioratu de cetero persoluatur ad duos cuiuslibet anni terminos medietas videlicet ad festum sancti Martini in hyeme et alia medietas ad festum Pentecosten ad vsum pitancie canonicorum predicti monasterii Sancti Andree annuatim specialiter deputanda In cuius rei testimonium sigillum nostrum presentibus est appensum Datum apud Sanctum Andream in capitulo nostro die Jouis proxime post octavas apostolorum Petri et Pauli anno Domini MCCC octus decimo