Charter Document - 07381001

Vniuersis sancte matris ecclesie ad quorum noticiam peruenerit hec scriptura Willelmus permissione diuina abbas monasterii Radingensis et eiusdem loci conuentus vnanimis salutem in omnium saluatore Ad petendum et recipiendum prioratum nostrum de May in Scocia seu possessionem eiusdem cum omnibus et singulis ad dictum prioratum pertinentibus seu ad petendum et recipiendum residuum pecunie dudum conuente pro eodem vna cum omnibus fructibus et prouentibus de eodem prioratu perceptis ac etiam ad transigendum conponendum et ad regiam confirmacionem super ipsa transaccione seu composicione per nos facienda inpetrandum et eidem consenciendum ac dictum negocium nomine nostro et ecclesie nostre Radingensis prout nobis melius videbitur expedire fideliter terminandum dilectos nobis in Christo fratrem Johannem de Sutton com monachum domus nostre et magistrum Hugonem de Staunford clericum nostrum presencium portitores nostros ordinauimus facimus et constituimus procuratores seu ac tornatos per presentes Dantes eisdem generalem potestatem et mandatum speciale nomine nostro et ecclesie nostre Radingensis omnia et singula premissa expediendi et ad curiam domini nostri regis Anglie illustris appellandi et appellacionem ipsam prosequendi et omnia alia faciendi per que dictum negocium legitime poterit expediri Ratum et gratum habentes et habituri quicquid dicti procuratores nostri fecerint in premissis Hoc idem omnibus et singulis quorum interest tenore presencium significamus In cuius rei testimonium presentibus sigilla nostra apposuimus Datum in capitulo nostro Radingensi sexto decimo kalendas Februarii anno Domino MCC nonogesimo secundo Et preterea protulerunt quamdam peticionem de prioratu de May que quidem peticio attachiata est huic rotulo Et preterea in fine parliamenti requisitum fuit a predictis procuratoribus et ac tornatis si parati essent soluere domino episcopo Sancti Andree mille et centum marcas sterlingorum quas idem episcopus soluerat Roberto nuper abbati de Radingis et eius procuratoribus seu ac tornatis Qui dixerunt quod ad aliquam solucionem faciendam eidem episcopo de aliqua summa pecunie huc missi non fuerunt nec ad hoc se obligare voluerunt et supplicaverunt domino regi quod peticio ipsorum in eodem statu quo nunc est remanere posset usque ad proximum parliamentum ut interim consulere possint abbatem de Radingis et dominum regem Anglie et licet ad proximum parliamentum venire non possent quod propter hoc non occasio narrentur usque ad aliud parliamentum sequens