Charter Document - 07380039
| Charter Number: | 07380039 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1231 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris uel audituris Henricus prior Sancti Andree et magister Laurencio eiusdem loci archidiaconus et Radulphus decanus de Fyf salutem in domino Mandatum domini pape suscepimus in hec uerba [] Huius igitur auctoritate mandati partibus in presencia nostra constitutis pars prioris et monachorum de May intencionem suam fundauit in hiis uerbis Dicunt prior et conuentus de May quod cum ecclesia de Rind cum omnibus decimis mobilium et immobilium et aliis pertinenciis suis infra limites parochie de Rind sitis ad ipsos pleno iure spectet abbas et conuentus de Scona decimas quatuor piscarium videlicet Sleples et Elpeneslau et Chingil et Inchesirith infra parochiam de Rind sitas in preiudicium ecclesie de Rind contra omnem iuris formam occupant et detinent vnde sibi petunt iusticiam exhiberi De hiis igitur lis inter partes aliquamdiu agitata post altercaciones allegaciones excepciones a partibus pro positas per provisionem iudicum et iurisperitorum assidencium de assensu parcium hoc fine conquieuit videlicet quod abbas et conuentus de Scona pro bono pacis soluent annuatim in perpetuum duas marcas argenti priori et monachis de May medietatem scilicet ad pentecosten et medietatem ad festum sancti martini et per hanc solucionem duarum marcarum liberi erunt canonici de Scona et immunes ab omni exaccione et impeticione monachorum de May quo ad decimas predictas et eciam quo ad decimas omnium piscarium tunc inter predictas parochias de Rind et de Scona existencium exceptis decimis piscarium si que de nouo iure eis competent et ad hoc fideliter obseruandum partes se fide inter posita obligauerunt Insuper autem ut pax ista amicabiliter et caritatiue formata tam de pecunia predicta soluenda tam de prenominatis terminis solucionis conseruandis et de immunitate ecclesie de Scona quia ad predicta inperpetuum firma sit et stabilis nos de uoluntate parcium eandem confirmamus auctoritate apostolica qua fungimur in hac parte et ad eiusdem pacis securitatem perpetuum obseruandam huic scripto in modum cirographi confecto cuius una pars penes abbatem et conuentum de Scona sigillo prioris et monachorum de May necnon etiam abbatis et conuentus de Redingis ad confirmandam hanc amicabilem composicionem auctoritatemque eidem prestandam munita residebit altera vero penes priorem et monachos de May sigillo abbatis et conuentus de Scona munita residebit sigilla nostra apposuimus Acta apud Sanctum Andream anno gracie MCC tricesimo primo