Charter Document - 07380036
| Charter Number: | 07380036 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1261 - 1274 |
| Date type: | Assigned |
| Resource Link(s): |
People of Medieval Scotland |
Charter:
Omnibus christi fidelibus presens scriptum visuris uel audituris Thomas dei gracia abbas de Lundors ac prior loci eiusdem iudices principales a domino papa delegati salutem in domino Literas domini pape recepimus in hec uerba [] Huius igitur auctoritate mandati orta coram nobis materia questionis inter memoratos abbatem et conuentum de Radingis actores ex una parte et Adam filium Ade filii Philippi burgensis de Subtberewick reum ex altera super quodam tenemento in uilla de Subtberewih in uico de Briggegate inter tenementum Walteri de Lindeseya ex una parte et tenementum Arnaldi le Windrawere ex altera quod quidem tenementum cum pertinenciis et cum fructibus preceptis quos estimabant quingentas marcas dicti abbas et conuentus petebant sibi et ecclesie sue tanquam male alienatum et a dicto Adam illicite occupatum reuocari et adiudicari Tandem cum dicte partes coram nobis in dicta causa per biennium et amplius pro cessissent post multas altercaciones labores et expensas die lune proxima post festum sancti Luce ewangeliste anno Domino MCC sexagesimo primo in ecclesia conuentali Sancti Andree inter partes coram nobis amicabiliter composicio interuenit videlicet quod dicti abbas et conuentus per procuratorem suum ad hoc sufficiens habentem mandatum accioni quam contra dictum Adam heredes suos uel assignatos super dicto tenemento habuerunt uel aliquo tempore potuerunt renunciarunt in perpetuum pro se et successoribus suis saluis tamen sibi et successoribus suis duabus marcis annuatim fratribus de May ad duos terminos anni de dicto tenemento in uilla de Berewike soluendis vna scilicet ad festum Sancti Martini in hieme et alia ad pentecosten Ita tamen quod si dictus Adam heredes uel assignati sui in solucione alicuius termini defecerint liceat priori de May nomine abbatis et conuentus Radingensis dictum tenementum sine aliqua contradiccione uel impedimento dicti Ade heredum uel suorum assignatorum intrare et de omnibus bonis ibidem inuentis destriccionem facere quousque eis de dictis duabus marcis et circa earum adquisicionem expensis fuerit plenaria satisfactum Et ne dicti abbas et conuentus contra memoratum Adam uel successores suos litem super dicto tenemento possent in posterum aliquatenus resuscitare renunciarunt expresse restitucioni in integrum omnibus literis impetratis et impetrandis et omni quod poterit obici contra istud factum uel presens instrumentum et omni tam uiris ciuilis quam canonici remedio In cuius rei testimonium presenti scripto in modum cyrographi confecto sigilla nostra vna cum sigillis dictarum parcium hinc inde duximus apponenda