Charter Document - 07380035
| Charter Number: | 07380035 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1243 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris uel audituris Magister Walterus de Mortuo Mari domini episcopi Sancti Andree officialis et Baldredus decanus Laodonie salutem in Domino Cum prior et conuentus de May Patricium capellanum de Dunbar coram nobis in capitulo Laodonie traxissent in causam super domo quadam in uilla de Dunbar cum crofta una et duabus perticatas terre arabilis ad eandem domum pertinentibus quam quidem domum cum dictis pertinenciis asserebant dicti prior et conuentus Adam Nigrum de Dunbar eisdem in puram et perpetuam elemosinam contulisse et prefatum Patricium eandem domum cum pertinenciis post decessum prefati Ade occupasse et iniuste detinuisse tandem partibus in presencia nostra constitutis lis inter eos hoc fine quieuit quod sepe dictus Patricius coram nobis in pleno capitulo confessus est solos dictum priorem et conuentum in [] domum cum pertinenciis suis ius habere et prior et conuentus ipsi predictam domum cum prenominatis pertinenciis concesserunt tenendam de eis et successoribus suis sibi et suis assignatis libere et quiete in perpetuum soluendo inde annuatim tres solidos pro omni seruicio ad ipsos pertinente videlicet ad festum sancti martini xviii denarios et ad pentecosten xviii denarios Hanc autem pacem firmiter et fideliter obseruandam dictus Patricius presentibus D clerico de Hadintone et domino J uicario de Northberewych fide media confirmauit Nos etiam ad maiorem securitatem parti cirografi quod penes priorem et conuentum remanet signa nostra fecimus apponi parti vero alteri apposita sunt sigilla dictorum prioris et conuentus Acta in ecclesia parochiali de Hadintone anno gracie MCCXLII