Charter Document - 07380033
| Charter Number: | 07380033 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1206 - 1222 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis has literas uisuris uel audi turis Gilbertus de Berewe qui dicitur de Sancto Martino salutem in domino Ad uniuersitatis uestre noticiam uolo peruenire me pro anima mea et animabus illustrium regum David Malkolmi Willelmi et comitis Henrici et Ade comitisse et Alexandri de Sancto Martino et Ele filie ipsius et animabus antecessorum et successorum meorum dedisse et hac carta mea confirmasse Deo et sanctis de May et monachis ibidem Deo seruientibus totam terram illam de mora de Barewe proxime adiacentem colli que dicitur Witelawe uersus occidentem illam que accedit michi quando predicta mora diuisa fuit inter dominam Elam de Sancto Martino et me scilicet per uiam que dicitur Monkesgate usque in uallem que diuidit terram illam et Witelawe et sic sicut uallis se extendit uersus austrum usque riuulum de Swinedene et ita per riuulum uersus occidentem usque ad nouum fossatum quod Radulphus capellanus de Barewe tunc decanus de Fif fecit loco diuise inter predictam terram et terram iam dicte domine Ele et ita uersus aquilonem usque Monkesgate tenendam de me et heredibus meis in liberam et puram et perpetuam elemosinam et ab omni seruicio et exaccione seculari quietam et absolutam sicut aliqua elemosina in regno Scocie liberius quiecius et honorificencius datur et possidetur Hanc autem donacionem et concessionem ego et heredes mei predictis monachis ab omni seruicio et exaccione in perpetuum warantizabimus et aquietabimus Et vt hec concessio et donacio robur perpetue firmitatis optineat eam sigilli mei apposicione roboraui Hiis testibus Siluestro rectore sancti monialium de Hadingtona Johanne Giffard Johanne de Penkatlan Michaele fratre eius Adam filio Vdardi Radulpho decano de Fyf Alano capellano de Berewe Radulpho capellano de Donecanelowe Roberto Rousel Hugone filio eius Gileberto Noreis Willelmo ueteri preposito Waltero filio eius Ernaldo preposito et multis aliis