Charter Document - 07380032
| Charter Number: | 07380032 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1219 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus christi fidelibus presens scriptum visuris uel audituris Radulphus prior de May et eiusdem loci monachi salutem eternam in domino Ad uniuersitatis uestre noticiam uolumus peruenire quod cum de mandato apostolico coram de Scone et Lundors dei gracia abbatibus et magistro Laurencio Sancti Andree archidiacono coniudicibus questio uerteretur inter abbatem et conuentum de Radingis et nos ex una parte et Symonem post de Berewyc ex altera super quadam terra in Brigekata domui de May in elemosinam collata Lis tandem amicabiliter sub hac forma quieuit videlicet cum constitutus esset prior de May procurator abbatis et conuentus de Radingis ad transigendum siue componendum predictus Symon dedit nobis uiginti solidos pro bono pacis eo pacto quod Symon et heredes sui tenebunt terram illam proximam terre quam Waldeuus Rufus domui de May legauit de qua terra aliquando inter nos et Thomam filium Eustachii coram eisdem iudicibus fuit litigatum vnde idem Thomas et heredes sui predicto Symoni annuatim respondebunt de decem et octo denariis sepe nominatus uero Symon secundum formam cartarum quas de antecessoribus nostris habet persoluet domui de May annuatim uiginti denarios ad pascha sine arte et malo ingenio In huius rei uero testimonium sigillum nostrum cum sigillis iudicum predictorum presenti scripto apposuimus valeat uniuersitas vestra in domino