Charter Document - 07380031
| Charter Number: | 07380031 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1219 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris uel audituris [] de Scona et Johannes de Lundors dei gracia Abbates et magister Laurencius Sancti Andree archidiaconus salutem eternam in domino Cum de mandato apostolico coram nobis questio uerteretur inter priorem et monachos de May ex una parte et Thomam filium Eustachii de Berewyc ex altera super quibusdam terris in Berewyc videlicet in uia pontis quas idem monachi dicebant sibi collatas de testa mento Waldeui Ruffi tandem inter eos sub hac forma amicabiliter conuenit videlicet quod idem Thomas recognouit ius predictorum monachorum in predictis terris et remisit totum clamium suum quod habuit uel habere potuit contra predictos monachos Tenebit autem idem Thomas terram illam quam monachi dicebant sibi a Waldeuo predicto legatam cum alia terra quam idem Waldeus de eisdem monachis tantum in uita sua tenuit libere et quiete sibi et heredibus suis Reddendo inde annuatim priori et monachis duas marcas argenti vnam ad pentecosten et aliam ad sanctum martinum Idem uero Thomas satisfaciet Agneti uxori predicti Waldeui sine prejudicio predictorum monachorum si forte moueat placitum de dote sua Ad hoc autem fideliter obligauit se utraque pars fideli interposicione in presencia iudicum et perpetuam est eorum iuris dictio de consensu parcium ne possit alterutra pars ab hac forma pacis in posterum resilire Et ad maiorem securitatem habebit idem Thomas cartam prioris de May confirmatam per sigillum abbatis de Radingis et in huius rei testimonium presens scriptum sigillorum nostrorum apposicione roborauimus