Charter Document - 07380030
| Charter Number: | 07380030 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1286 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has literas uisuris uel audituris Willelmus Dei gracia Sancti Andree episcopus eternam in Domino salutem Nouerit uniuersitas vestra quod cum suscitata fuisset controuersia inter dominum Henricum de Dundemore militem ex parte vna et priorem et monachos de May ex altera super fidelitate et fidelitatis iuramento petitis per ipsum dominum Henricum a dictis priore et monachis racione terre de Turbrek in Fyf elemosina te monachis supradictis partes predicte volentes suscitatam controuersiam concordia terminare tam super fidelitatis predicte petito iuramento quam super districtu facto per dictum dominum Henricum contra dictos priorem et monachos quam racione fidelitatis denegate et iuris placita tenendi in terra predicta nostro se ordinacioni et arbitrio submiserunt promittentes corporali hinc inde prestito iuramento arbitrio nostro et ordinacioni omnino parere et in contrarium perpetuo non uenire vllo modo Nos autem auditis hinc inde propositis iuribus utriusque partis pro nunciamus dictos priorem et monachos racione terre predicte de Turbrech ad fidelitatem faciendam dicto domino Henrico uel suis heredibus non teneri immo ipsos priorem et monachos decernimus ad fidelitatem faciendam dicto domino Henrico uel suis heredibus penitus non teneri ipsi domino Henrico suisque heredibus tam super fidelitate petita quam super iure quod uendicat se habere super terra de Turbrech placita uel curiam detinendi perpetuum silencium imponentes ipsumque dominum Henricum ad restitucionem cuiusdam equi dictorum prioris et monachorum quem pro fidelitate non prestita cepit a dictis priore et monachis et captum detinet condemnamus faciendum infra octo dies priori et monachis supradictis In cuius rei testimonium presentibus sigillum nostrum duximus apponendum Datum apud Cupir die lune proximo post festum purificacionis beate uirginis anno domini MCCLXXX quinto