Charter Document - 07380026
| Charter Number: | 07380026 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1209 - 1226 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Eggou Ruffus uoluntate et assensu Donecani heredis mei dedi et concessi et hac carta mea confirmaui Deo et sanctis de May et monachis ibidem Deo seruientibus pro anima mea et animabus patris mei et matris mee et Donecani filii mei et Donecani heredis mei et Agnetis uxoris mee et omnium antecessorum meorum et successorum in liberam et puram et perpetuam elemosinam terram a riuulo que diuidebat terram meam a terra de Lingoch usque ad fossata que facta fuerunt in presencia mea et aliorum proborum uirorum scilicet Agnetis uxoris mee Roberti le Mare Willelmi Bolk Vlfi de Lingoch Malkolmi de Inuerin et quorumdam aliorum in latere montis que est ex aquilon ali parte ipsius riuuli [] donacionem et concessionem ego et heredes mei prefatis monachis in perpetuum ab exercitu expedicione et multura et omni seruicio et exaccione warantizabimus et aquietabimus Et ut hec donacio et concessio firma sit et stabilis eam sigilli mei apposicione roboraui Hiis testibus Roberto de London Laurencio archidiacono Waldeuo filio Merleswein Thoma Quoco Thoma capellano de Kellin Roberto le Mare Malkolmo de Inuerin Gillecrist fratre eius Vlfo de Lingoch Meruin seruiente predicti Eggou Rufi et multis aliis