Charter Document - 07380024
| Charter Number: | 07380024 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1226 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Johannes filius Michaelis assensu et uoluntate heredis mei dedi et concessi et hac carta mea confirmaui deo et sanctis de May et monachis ibidem deo seruientibus pro anima mea et animabus patris mei et matris mee et Duncani fratris mei et uxoris mee et heredis mei et omnium antecessorum et successorum meorum in liberam et puram et perpetuam elemosinam totam terram in australi parte de Caluerburne a uado quod est inter Panscheles et Kingessete usque ad lapidem stantem quasi medio loco inter austrum et occidentem et inde ad magnum lapidem qui situs est sub Winethes et inde usque ad Strotherhefed et inde per semitam paruam usque ad Windesduris in pertinenciis uille mee de Panscheles cum una acra prati et cum pastura que sufficiat ad sus tentandum tres centos oues matrices et triginta uaccas portantes et uiginti quatuor equas portantes cum sequela Et cum fuerit duorum annorum ammouebitur ipsa sequela et sic deinceps Concedo eciam ut habeant predicti monachi in pastura mea decem sues portantes cum sequela donec sit supera nauta et sic deinceps Ita concedo hominibus eorum qui predictam terram tenuerint petas et turbas quantum necesse habuerint ad domos suas Hanc autem concessionem et donacionem ego et heredes mei prefatis monachis in perpetuum ab exercitu et expedicione et omni seruicio et exaccione et multura warantizabimus et aquietabimus Et ut hec concessio et donacio robur perpetue firmitatis optineat eam sigilli mei appensione roboraui Hiis testibus Roberto de London filio Willelmi regis Scocie Michale filio et herede predicti domini Johannis Radulpho rectore ecclesie de Wemes Waldeuo filio Merlesswein Duncano filio Ade de Kilcunkath Thoma de Lundin Galfrido de Maleuile Johanne de Petkeri Symone capellano sepe dicti Johannis Roberto et Patricio seruientibus eius et multis aliis