Charter Document - 07380015
| Charter Number: | 07380015 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 - 1199 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scotie Episcopis Abbatibus Comitibus Baronibus Justiciariis Vcecomitibus prepositis ministris et omnibus probis hominibus totius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et ecclesie Sanctorum de Mai et Monachis ibidem Deo servientibus Petother per rectas divisas suas cum omnibus justis pertinentiis suis Tenendum in liberam et puram et perpetuam elemosinam in terris et aquis in pratis et pascuis in moris et mariscis et in omnibus aliis ad predictam terram juste pertinentibus ita libere quiete plenaria et honorifice sicut alias terras et elemosinas suas liberius quietius plenius et honorificentius in regno meo tenent et possident Testibus Hugone Cancellario meo Ricardo de Prebenda clerico meo Radulfo et Waltero Capellanis meis Philippo de Valoniis Camerario meo Magistro Henrico clerico meo Willelmo de Haia Alexandro Vicecomite de Strivelin Ricardo filio Hugonis Willelmo Flandrensi Herberto de Camera apud Clac[monin] xvij die Aprilis