Charter Document - 07380014
| Charter Number: | 07380014 |
|---|---|
| Cartulary Title: | Carte Prioratus Insule de May |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1178 - 1188 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scotie Justiciariis Vicecomitibus Baronibus Ministris et omnibus probis hominibus totius terre sue salutem Sciatis me dedisse et concessisse et hac carta mea confirmasse Priori de Mai et Monachis ibidem Deo servientibus licentiam et liberam potestatem vendendi et emendi quodcunque opus habent ad proprios usus suos per totam terram meam Quare volo et firmiter precipio ut ipsi et serviente proprii domus sue de dominiis catallis predictorum monachorum que vendiderint et de omnibus que ad eorundem proprios usus emerint sint liberi et quieti a cano et teloneo et ab omni alia consuetudine ubicumque pro tali negotio venerint Precipio etiam ut homines eorum alii in terra ipsorum manentes sint liberi et quieti a cano et teloneo et omni alia con suetudine tantum in portibus terre ipsorum monachorum de venditione et emptione Concedo etiam ut quatuor denarios habeant de quatuor retinaculis singularum navium que in portibus suis de Pednewem et de Amestroder causa piscandi vel piscem vendendi applicuerint et de batellis similiter qui annexa habuerint gubernacula Canum vero tantum de eisdem portibus ad opus meum retineo et de cano illo per manus ministrorum meorum ibidem canum suscipientium quemque decimum denarium predictis monachis dari precipio Testibus Hugone Episcopo Sancti Andree Comite Dunecano Comite Gileberto Waltero de Berkele Camerario Willelmo de Mortemer Galfrido de Malever apud Pert