Charter Document - 07370476
| Charter Number: | 07370476 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue tam clericis quam laicis salutem Sciatis nos dedisse concessisse et hac presenti carta nostra confirmasse pro animabus omnium antecessorum et successorum nostrorum regum Scocie Deo et beate Marie virgini et sancto Machuto ac monachis de Lesmachut Deo et beato Machuto seruientibus et inperpetuum seruituris decem marcas sterlingorum in liberam et perpetuam elemosinam percipiendas eisdem monachis et eorum successoribus in perpetuum de molendinis nostris de Carneluk annuatim ad terminos debitos et consuetos libere quiete plenaria et honorifice Inueniendo dicti monachi et eorum successores inperpetuum octo cereos quemlibet de vna libra cere circa tumbam sancti Machuti ad ardendum singulis diebus dominicis et festiuis prout consuetudo est in ecclesiis regni Scocie cathedralibus et collegiatis pro omni alio seruicio exaccione seu demanda In cuius rei testimonium presenti carte nostre sigillum nostrum precepimus apponi Testibus Bernardo abbate de Abirbrothoc cancellario nostro Johanne de Meneteth Jacobo domino de Douglas Gilberto de Haia et Roberto de Keth militibus Apud Edvnburg octauo die Marcii anno regni decimo