Charter Document - 07370467
| Charter Number: | 07370467 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1165 |
| Date type: | Assigned |
| Resource Link(s): |
People of Medieval Scotland |
Charter:
Alexander Episcopus servus servorum Dei Dilecto filio Johanni abbati de Calkou Salutem et apostolicam benedictionem Devotionis tue sinceritatem et quam circa nos et ecclesiam Dei geris affectum diligenti studio attendentes et quod ecclesia tue gubernationi commissa Romane ecclesie filia specialis existat nihilominus considerantes honorem et gratiam tibi et eidem ecclesie tue in quibus cum Deo possumus libentius exhibemus et prompto animo quantum honestas permiserit honoramus Inde siquidem est quod ad postulationem tuam usum Mitre tibi et successoribus tuis duximus indulgendum auctoritate apostolica statuentes ut ad honorem Dei et ecclesie tue decorem in sollempniis missarum ea congruis temporibus utendi in ecclesia tua et in processionibus in claustro tuo et in consilio Romani Pontificis facultatem liberam habeatis Datum []