Charter Document - 07370427

Johannes tituli Sancti Stephani in Celio monte miseratione divina presbyter cardinalis apostolice sedis in Scocia et Ybernia legat Omnibus sancte matris ecclesie filiis literas istas visuris vel audituris salutem in Domino Noverit universitas vestra quod anno MCCI incarnationis dominice cum legationis officio ex precepto Domini Innocentii pape in Scotia et Ybernia fungebamur in concilio a nobis apud Perth in Scocia celebrato die Sancti Nicholai in presentia nostra ita convenit inter dominos Sancti Andree et Glasguensem episcopos et abbatem et monachos de Chelcho de omnibus ecclesiis quas habent idem monachi tam in episcopatu Sancti Andree quam Glasguensi nominatas in carta domini Rogerii episcopi Sancti Andree et carta bone memorie Jocelini episcopi Glasguensis ad usus proprios monachorum scilicet quod idem monachi presentabunt clericos vel sacerdotes idoneos episcopis ad omnes ecclesias illas qui erunt vicarii perpetui et suscipient curam animarum de manu episcopi et respondebunt episcopis de episcopalibus De procurationibus vero secundum quod continetur in Lateranensi concilio Ita quod si episcopus vel archidiaconus vel decanus visitet parochiam suam ecclesia que tanti est quod possit sufficere rationabiliter ad procurationem ipsis faciendam faciat Alie que pauperiores sunt conjungentur due scilicet vel tres vel quatuor vel quot sine gravamine possunt sufficere ad procurationem semel in anno si episcopus vel archidiaconus vel decanus visitationem suam fecerit Salvis tenueris et vicariis illorum qui nunc in quibusdam ecclesiis ipsorum monachorum sunt vicarii perpetui et per episcopum instituti Cedentibus autem vel decedentibus clericis vel sacerdotibus qui in ipsis ecclesiis ministrant illi quos abbas et monachi presentabunt recipientur ab episcopis nisi episcopi rationabilem causam ostenderint quare non sint recipiendi De sustentatione autem ipsis clericis vel sacerdotibus assignanda erit in provisione et voluntate abbatis et monachorum ita tamen quod nullus sit defectus de episcopalibus et quod clericus vel sacerdos presentatus concedat se esse bene pacatum et si forte aliquis evenerit defectus de illis que rationabiliter tenentur esse in ecclesia vel de episcopalibus secundum constitutionem Lateranensis concilii episcopi auctoritate episcopali clericos per ecclesias compellent ad defectum supplendum in illis ecclesiis In episcopatu Glasguensi excipitur ecclesia Sancti Jacobi de Rokesburc cum pertinentiis suis que libera est et quieta a sinodalibus et auxiliis et hospitiis et comediis In illa tamen sicut in aliis ecclesiis ipsorum monachorum erit vicarius perpetuus Ut autem hec conventio firma et inconcussa futuris temporibus inter ecclesias Sancti Andree et Glasguensem et monasterium Kalchoense et episcopos et abbatem et monachos predictarum ecclesiarum inviolabiliter observetur nos eam sigilli nostri impressione duximus roborandum Rogerius etiam episcopus Sancti Andree et Willelmus Glasguensis episcopus et Osbertus abbas de Kelchou sigilla sua ad conventionem istam confirmandam apposuerunt Testibus Johanne Abberdonensi episcopo Johanne Dunkeldensi episcopo Ricardo Moraviensi episcopo Henrico Guidone Nigello de Abberbrothoc de Lundors de Kilwinin abbatibus Radulpho Willelmo Radulpho de Melros et de Edeneburgh et de Jeddewud abbatibus Herberto decano Glasguensi Magistro J archidiacono Laodon Roberto archidiacono Glasguensi Magistro Willelmo de linc Magistro Ysaac clericis Sancti Andree Simon de Quinci magistro Michaele magistro Petro et Radulpho clericis domini Glasguensis episcopi