Charter Document - 07370409
| Charter Number: | 07370409 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scottorum Episcopis Abbatibus Comitibus Baronibus Justiciis Vicecomitibus Prepositis Ministris et Omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse Deo et Ecclesie Sancte Marie de Kelch et monachis ibidem Deo seruientibus in liberam et perpetuam elemosinam donacionem et concessionem quam Jocelinus Glasguensis episcopus eis fecit de Ecclesiis quas habent in episcopatu Glasguensi que eis racionabiliter date sunt et concesse ab aduocatis ecclesiarum illarum ut idem monachi habeant Ecclesias illas videlicet Ecclesias et Scolas burgi de Rok liberas et quietas ab omni consuetudine scilicet ab omni redditu Sinodi et ab omnibus auxiliis hospiciis et corrediis sicut bone memorie Herbertus Glasguensis Episcopus eisdem monachis carta sua confirmauit Et preterea Ecclesiam de Maccuswell et capellam de Harelawe sicut inter ipsos monachos et leprosos predicti loci de ipsa capella conuenit Ecclesiam de Sproueston Ecclesiam de Molle Ecclesiam de Botheldene Ecclesiam de Selechirc Ecclesiam de alia Selechir Ecclesiam de Dunfres Ecclesiam de Lesmahag Ecclesiam de Kilmaurum Ecclesiam de Lintunrotheri Ecclesiam de Inuerlethan Ecclesiam de uilla Wice cum duabus capellis suis scilicet uille Roberti fratris Lambini et uille Johannis priuigni Baldwini Ecclesiam de Wdekirke Ecclesiam de uilla Symonis Loccard Ecclesiam de Cambusneithan Ecclesiam de Dunsier Ecclesiam de Camsy Ecclesiam de Altermunin Ecclesiam de Stapilgortun Ecclesiam de Dungrey Ecclesiam de Trauerflat et Ecclesiam de Mortun cum omnibus predictarum ecclesiarum capellis et aliis iustis pertinenciis suis Prenominatas autem Ecclesias et capellas et omnes eorum obuenciones cum terris et decimis et omnibus earum iustis pertinenciis et rectitudinibus et personatum earundem Ecclesiarum prelibate Ecclesie de Kelch et propriis usibus et sustentacionibus monachorum ibidem Deo seruiencium concedo et presenti carta confirmo Quare et precipio ut predicti monachi habeant teneant et pacifice possideant predictas ecclesias et earum capellas cum omnibus iustis pertinenciis suis in liberam et perpetuam elemosinam ita libere quiete plenaria et honorifice sicut carta predicti Jocelini Glasguensis Episcopi eis concedit et sicut carte aduocatorum prescriptarum ecclesiarum testantur Testibus Hugone cancellario meo Reginaldo Electo Rosensi Roberto de Quinci Roberto de Londoniis filio meo Seihero de Quinci Willelmo de Haia Apud Jedd iiij die Julii