Charter Document - 07370398
| Charter Number: | 07370398 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1267 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum prepositis de Perth qui pro tempore fuerint salutem Quam per inspeccionem cartarum progenitorum nostrorum regum Scottorum illustrium et inspeccionem rotulorum capelle nostre nobis constat ad plenum quod monachi sancte Trinitatis Tyron solebant et debent percipere et habere annuatim die sancti Johannis Baptiste tres marcas sterlingorum de firma burgi nostri de Perth pro cano vnius nauis quod inclite recordacionis Dauid rex Scocie illustris eis dedit in liberam elemosinam Ideo vobis mandamus et precipimus quatinus abbati et monachis de Kelch procuratoribus dictorum monachorum Tyron tres marcas sterlingorum de firma dicti burgi nostri de Perth die sancti Johannis Baptiste annuatim habere faciatis Et nos eas vobis in vestris compotis faciemus singulis annis plenius al locari In cuius rei testimonium has nostras litteras fieri fecimus patentes Testibus Symone abbate de Dunfermel Colbano comite de Fife Alano Hostiario et Hugone de Berkel justiciario Laodonie apud Scona primo die Junii anno regni nostri xviij