Charter Document - 07360411
| Charter Number: | 07360411 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1183 - 1188 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Dei gratia Rex Scott[orum] Episcopis Abbatibus Comitibus Baronibus Justiciis Vicecomitibus prepositis ministris et omnibus probis hominibus suis clericis et laicis salutem Sciant presentes et posteria me dedisse et concessisse et hac [carta] mea confirmasse Deo et Ecclesie Sancte Marie de Kelcho et monachis ibidem Deo seruientibus ad usus et operacionem ipsius Ecclesie Ecclesiam de Dunfres cum terris et decimis et omnimodis oblacionibus et Capella Sancti Thome in ipso burgo et Tofta ad ipsam capellam pertinentem et cum quinque acris terre quas eidem Ecclesie et capelle in liberam elemosinam dedi et per Philippum de Valoniis eis tradi feci et cum omnibus aliis eiusdem ecclesie iustis pertinenciis ita ne liceat alicui illam ecclesiam uel capellam aut earum redditus siue beneficia ab operacione ecclesie de Kelcho et usibus fratrum quoquomodo alienare Quare uolo et firmiter precipio ut iam dicti monachi ecclesiam supradictam de Dunfres cum capella terris decimis et omnibus earum iustis pertinenciis infra burgum et extra in liberam et perpetuam elemosinam teneant et possideant ita libere et plenaria et honorifice sicut aliquas elemosinas liberius et quiecius tenent Testibus Jocelino Glasguensi Episcopo Hugone Sancti Andree et Johanne Dunkeldensi et Matheo Aberdonensi episcopis Henrico Abbate Sancti Thome Comite Dunecano Philippo de Valoniis Willelmo de Lindesia apud Dunfres