Charter Document - 07360384

W[illelmus] Dei Gratia Rex Scott[orum] Episcopis Abbatibus Comitibus Baronibus Justiciis Vicecomitibus Prepositis Ministris et Omnibus probis hominibus Tocius terre sue Clericis et Laicis salutem Sciant presentes et futuri me dedisse et concessisse et hac carta confirmasse Deo et Ecclesie Sancte Marie de Kelch et monachis ibidem Deo seruientibus et seruituris in liberam et puram et perpetuam elemosinam tres carucatas terre in territorio de Edenham sicut Arkenbaldus Abbas de Dunfermelin eis per preceptum meum tradidit Duas scilicet et dimidiam propinquiores diuisis terre sue de Kelch ab aquilonari parte petharie de Edenham que terra tendit a petharia proximo loco iuxta diuisas eorundem monachorum usque ad diuisas de Neutun et sic per diuisas australes de Neutun usque in Edene et sic per Edene usque ad pontem vadi ab occidentali parte de Edeneham et inde in uiam que ducit uersus hospitale usque ad furchaturam uie que uenit ab aquilonari parte petharie et sic per eandem uiam usque ad primum locum prenominate diuise Et pasturam cuiusdam particule terre que est inter diuisas de Kelchou et predictam petariam ita ut monachi habeant pasturam eiusdem terre et homines mei de Edenham habeant aisiamentum ipsius terre ad expandendum ibi pethas suas Et dimidiam carucatam terre ab orientali parte Quarrerie ipsorum monachorum inter quatuordecim acras terre quas habent ex dono Pagani de Bosewill et terram infirmorum et inter pethariam et viam que tendit uersus vadum de Sprowest Et piscaturam in Tweda que pertinebat ad Edenham a diuisis de Kelch usque ad diuisas de Brigham Predictas autem tres carucatas terre et piscaturam dedi eis in escambium viginti celdrarum frumenti et farine de illa mensura que fuit tempore Regis Dauid aui mei quas predicti monachi habere solebant in molendino meo de Rokesburg et in escambium trium marcarum quas habere solebant de firma burgi mei de Rokesburg et in escambium duodecim celdrarum brasei quas habere solebant de molendino meo de Edenham ex dono Regis Dauid aui mei Quare volo et firmiter precipio ut prefati monachi prefatas tres carucatas terre cum predictis diuisis et predictam piscaturam habeant et teneant in liberam et puram et perpetuam elemosinam ita libere quiete plenaria et honorifice sicut alias elemosinas in Regno meo liberius quiecius plenius et honorificencius tenent et possident Concessi etiam prefatis monachis quod si molendinum eorum de Kelch aut per inundaciones aquarum aut propter gelu molere non possit uel aliquo casu fractum sit ut molant ad molendinum meum de Edenham bladum quod creuerit super terram prenominatam de Edenham ad eorum victum libere absque multura proximius ad illud quod fuerit super Trameyl nisi fuerit dominicum bladum meum ita tamen ut ad uitandum grauamen hominum meorum de Edenham non nisi per tres aut quatuor dies idem monachi in simul molant Concessi autem eis ut liceat ipsis libere et absque multura bladum quod super terram predictam creuerit quo uoluerint asportare Testibus Hugone Cancellario meo Arkenbaldo Abbate de Dunfermelin Henrico Abbate de Aberbrothoc Guidone Abbate de Lundores Ricardo de prebenda Hugone capellano Clerico meo Willelmo de Lind Justicia Waltero Corbet Philippo de Valoniis Geruasio Auenel Willelmo de Sumervill Willelmo de Wallibus Herberto de Machuswell Willelmo Pasleu apud Rokesburg