Charter Document - 07360383

W[illelmus] Dei gratia Rex Scott[orum] Episcopis Abbatibus Comitibus Baronibus Justiciis Vicecomitibus Ministris et omnibus probis hominibus tocius terre sue Clericis et Laicis salutem Nouerint presentes et futuri quod bone memorie Rex Dauid auus meus dedit in liberam et perpetuam elemosinam et Carta sua confirmauit Ecclesie Sancte Marie de Kalchou et monachis ibidem Deo seruientibus xl solidos de censu burgi de Rokesburg singulis annis et xx cheldras inter frumentum et farinam singulis annis de molendinis burgi de Rokesburg Et preterea de molendino de Hedenham singulis annis xii celdras brasei Pro hiis elemosinis et reditibus adquietandis dedi et concessi et hac carta mea confirmaui in liberam elemosinam predicte ecclesie de Kalch et monachis ibidem Deo seruientibus molendinum de Edinham cum integritate parochie sue sicut ego illud unquam melius in manu mea habui Ita scilicet ut nulli liceat nisi predictis monachis in territorio de Edenham aliud molendinum facere Liceat autem ipsis monachis quo uoluerint infra ipsum territorium illud transferre uel aliud facere Homines autem predicte uille qui solebant uel de iure debebant molendinum illud nouum facere uel uetus reformare et aquam ad molendinum attornare et molas asportare volo ut monachis in hoc per omnia seruiant sicut mihi seruire debent si illud in manu mea haberem et ministri mei hoc eos facere compellant Preterea dedi eis et presenti carta confirmaui in predicta uilla illam carucatam terre quam Herewardus et Randulfus nepos eius tenuerunt ea die qua hanc donacionem eis feci cum homagiis et seruiciis suis et illam terram quam Rogerus clericus et Dauid filius Thrust eadem die tenuerunt intra uillam uel extra uillam cum homagiis et seruiciis suis et illam dimidiam carucatam terre quam Edwardus filius Auti tenuit in predicta uilla cum homagio et seruicio suo et iiij bouatas terre quas ad firmam tenuerunt Elzi et Alfredus in predicta uilla Volo igitur et firmiter precipio ut predicti monachi predictum molendinum de Hedenham et predictas terras in uilla et extra uillam cum omnibus aysiamentis uille ad predictas terras pertinentibus in pratis et pastura et petaria Ita libere et quiete teneant et possideant sicut aliquam elemosinam liberius et quiecius in regno meo tenent et possident quousque ego redditus prenominatos eis ex integro restituam in burgo et molendinis de Rokesburg Et cum hoc eis fecero reddent mihi molendinum de Eden et terras prenominatas et homines meos sicut prius habui Saluis tamen sibi xij celdras brasei quas prius habuerunt in molendino de Edenham Prohibeo etiam super meam plenarium foris facturam ut nullus ministrorum meorum aliquam inde eis iniustam uexacionem faciat uel ab aliis fieri permittat T[estibus] Jocelino Episcopo de Glesgu Waltero de Bidun Cancellario Comite Dunecano Comite Gilberto Simone Archidiacono Ricardo de Moreuill constabulario Roberto de Quinci Johanne de Wallibus Ricardo Cumin Apud Lanarck