Charter Document - 07360261
| Charter Number: | 07360261 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1190 - 1193 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scott[orum] Omnibus probis hominibus tocius terre sue clericis et laicis Salutem Sciant presentes et futuri me dedisse et hac carta mea confirmasse conuencionem factam inter Abbatem et Conuentum de Kelchou et Robertum de Kent et Robertum Hunaud et Rolandum generum Nicholai de Costentin scilicet de terra et pastura et bosco in territorio de Inuerwic per easdem diuisas sicut in Cyrographo inter eos facto continetur et cum omnibus eisdem iustis pertinenciis Tenendam a festo Sancti Martini proximo postquam Ricardus rex Anglie et Philippus Rex Francie profecti sunt uersus Ierosolimam usque ad terminum triginta trium annorum peractum ita libere et quiete plenaria et honorifice sicut Cyrographum inter eos factum testatur et sicut confirmacio Alani filii Walteri dapiferi Regisa confirmat saluo seruicio meo Testibus Roberto capellano meo Philippo de Valoniis Malcolmo filio Comitis Dunekani Willelmo Comyn