Charter Document - 07360144
| Charter Number: | 07360144 |
|---|---|
| Cartulary Title: | Liber Sancte Marie de Calchou |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1195 - 1198 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum Omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse Deo et Ecclesie Sancte Marie de Kelchou et monachis ibidem Deo seruientibus donacionem illam quam Willelmus de Veteri Ponte eis fecit de Ecclesia de Langtune Tenendam sibi in liberam et puram et perpetuam elemosinam cum terris et decimis et omnibus aliis ad predictam ecclesiam iuste pertinentibus ita libere et quiete plenaria et honorifice sicut alias ecclesias suas liberius quiecius plenius et honorificencius tenent et possident et sicut carta prefati Willelmi testatur per diuisas terre quam predictus Willelmus eidem ecclesie dedit nominatas in carta ipsius saluo seruicio meo si quod seruicium me contingere debet de terris ab eodem Willelmo datis prefate ecclesie Testibus Hugone Cancellario meo Comite Patricio Justicia Roberto de Quinci Roberto de Londoniis filio meo Alano filio Walteri Willelmo de Haia Ricardo filio Hugonis Willelmo Flandrensi Apud Selechirch xxix die Julii