Charter Document - 07360013

Willelmvs Dei gratia Rex Scott[orum] Episcopis Abbatibus Comitibus Baronibus Justiciis Vicecomitibus Prepositis Ministris et Omnibus probis hominibus Totius terre sue Clericis et laicis Salutem Nouerint omnes tam posteri quam presentes me concessisse et presenti Carta mea confirmasse pro salute anime Regis Dauid aui mei et Comitis Henrici patris mei et pro salute anime mee et Omnium antecessorum et successorum meorum Deo et Ecclesie Sancte Marie de Kelchou et monachis ibidem Deo seruientibus in liberam et perpetuam elemosinam Omnes terras et ceteras possessiones suas quas habuerunt et tenuerunt in tempore Regis Dauid aui mei et in tempore Regis Malcholmi fratris mei Tenendas per easdem libertates et Rectitudines per quas ipsi eas umquam melius et plenius liberius et quietius tenuerunt et possederunt Concedo etiam predicte Ecclesie Sancte Marie de Kelchou et eiusdem loci monachis ut homines sui qui in Kelchou sunt manentes omnibus diebus septimane excepto die statuto fori mei de Rokesburg licentiam habeant uendendi in uilla sua focale et materiem et annonam Et transeuntes licentiam habeant eis ista uendendi Habeant etiam ipsi homines sui licentiam uendendi in fenestris suis Panem et Ceruisiam et carnem Si autem piscem in propriis suis quadrigis uel equis attulerint et inde uendere uoluerint in fenestris suis liceat eis uendere Quadrige autem aliunde uenientes et per inde transeuntes neque ibi exhonorent neque ibi uendant set ad forum meum ueniant Die autem fori mei statuti de Rokesburg non liceat eis quicquam emere in villa sua set ad forum meum ueniant et ibi cum aliis burgensibus meis quod uoluerint emant per Rectas consuetudines suas Dedi etiam et concessi prenominatis monachis ad usus et operationem ipsius ecclesie de Kelchou Ecclesiam de Dunfres cum Terris et decimis et omnimodis oblationibus et cum Capella Sancti Thome in ipso burgo et cum Tofta ad ipsam capellam pertinentem et cum quinque acris terre quas eidem Ecclesie et capelle in liberam elemosinam dedi et per Philippum de Valoniis eis tradi feci et cum omnibus aliis eiusdem Ecclesie justis pertinentiis Ita ne liceat alicui Ecclesiam illam uel capellam aut earum redditus siue beneficia ab operatione Ecclesie de Kelchou et propriis usibus monachorum quoquomodo alienare Et capellam castelli de Pebles cum carucata terre ad ipsam pertinentem et cum redditu decem solidorum de firma burgi de Pebles que Rex Dauid auus meus eidem capelle assignauit ad diuinum officium in ea perpetuo celebrandum pro anima Comitis Henrici patris mei ita etiam quod prefati monachi ibidem ydoneam et pulcram capellam facient et inuenient ibi honesta ornamenta ecclesiastica et capellanum qui in ea pro anima Comitis Henrici patris mei perpetuo ministret Et Ecclesiam de Kultre juxta Aberdoen cum omnibus ad ipsam ecclesiam juste pertinentibus Et unum toftum in Hadintona et terram illam que est iuxta toftum illum uersus forum de qua solebam habere singulis annis quatuor denarios Concedo etiam eis et confirmo decimam animalium et porcorum et caseorum de cano meo de quatuor Kadred de Galweia et decimam caseorum similiter de Twededale per unum quemque annum et dimidietatem coriorum coquine mee et de omnibus occisionibus meis et Regine mee et omnium successorum meorum ita ut ubicumque unum corium habuero habeant monachi aliud et similiter de unctis et de sepis sicut de coriis et omnes pelles arietum et agnorum et decimam coriorum ceruorum et ceruarum quos vel triarii mei capient et Sicut Carta Regis Dauid aui mei testatur et confirmat Et annuatim tredecim vaccas et totidem porcos de cano meo de terra quam filii Duuenaldi tenent pro escambio redditus quem predicti monachi solebant habere de cano de terra quam Radulfus filius Dunegal et Duuenaldus frater suus tenuerunt et de terra quam Gillepatric frater eorum tenuit in Glencharn Et ut loca Wasti mei de Selechirche ad que transtuli homines meos de Elrehope sint de parochia ville mee de Selechirche et omnes in illis locis habitantes cum uniuersis possessionibus suis sint intendentes ad ecclesiam de Selechirche tanquam ad matricem ecclesiam suam Et si forte contigerit quod in eisdem locis matrix ecclesia aut capella fundata fuerit eam cum omnibus justis pertinentiis suis Do et concedo Deo et prefate ecclesie Kalchoensi et eiusdem ecclesie monachis in liberam et perpetuam elemosinam Et ex donacione pie memorie Regis Malcholmi fratris mei Ecclesiam de Inuerlethan Et ex donacione Comitis Dauid fratris mei Ecclesiam de Chamsi et Ecclesiam de Altermunin in Leuenachs Et ex donacione Willelmi Finemund Ecclesiam de Kambusneythan Et ex donacione Ricardi Cumin Ecclesiam de Lintunrutheri Et ex donacione Wice Ecclesiam de villa Wice cum capellis suis Et ex donacione Fergus Macbard Ecclesiam de Dunsier cum capellis et terris et decimis et omnibus aliis predictarum ecclesiarum justis pertinentiis Ita libere quiete plenaria et honorifice sicut carte donatorum et aduocatorum eis donant et confirmant et sicut carta Jocelini Glasguensis episcopi eis confirmat Et ex donacione Hugonis Ridel Ecclesiam de Crennestun cum terra ad eam pertinente et cum omnibus aliis justis pertinentiis suis Et ex donacione Euerardi de Penchathlen Ecclesiam de Penchathlen cum omnibus justis pertinentiis suis Et ex donacione Walcheri de Karnoto Ecclesiam de Trauerflet et Ecclesiam de Dungrey cum omnibus earum justis pertinentiis Et ex donacione Radulfi de Clere Ecclesiam de Kaledoure que fuit eiusdem Radulfi de Clere cum omnibus justis pertinentiis suis Et ex donacione Hugonis sine manicis Ecclesiam de Mortun in Strahnith cum una carrucata terre et cum omnibus aliis justis pertinentiis suis Et ex donacione Willelmi de Kuningburg Ecclesiam de Stapelgortun cum capellis et terris et decimis et omnibus aliis justis pertinentiis Concedo etiam eis et confirmo unam carucatam terre in villa de Haudene per easdem diuisas per quas eam habuerunt antequam Bernardus filius Briani habuisset predictam Haudene Cum omnibus aisiamentis infra diuisas ipsius carucata terre Et unam toftam in predicta villa de Haudene liberam et quietam ab omni seruitio et hominem eorum qui super toftam illam sedebit liberum et quietum ab omni seruitio et alia consuetudine sicut Carta Bernardi testatur Et duas bouatas terre in territorio de Molle quas Eschina de Londoniis eis dedit et pasturam et alia aisiamenta in villa de Molle sicut carta eiusdem Eschine testatur Et sex bouatas terre in territorio de Brochesmuthe quas Willelmus de Morevill et Robertus de Landeles et Muriel uxor eiusdem Roberti eisdem monachis dederunt et confirmauerunt Et donacionem scalingarum illarum quas Willelmus de Veteri Ponte eis dedit et carta sua confirmauit Et scalingas de Bothkil per rectas diuisas suas ita plenaria et libere et quiete sicut Cospatricius Comes illas eis dedit et carta sua confirmauit Et ex donacione Pie memorie Regis Malcholmi fratris mei unum Toftum in Rutherglen Et donacionem quam Walterus Corbet fecit eis de Ecclesia de Malkaruestun et de omnibus eiusdem ecclesie justis pertinentiis et omnibus terris et possessionibus et libertatibus quas idem Walterus Corber prenominatis monachis de Kelch donauit sicut carta eius testatur saluo seruitio meo Et unam bouatam terre in Sprowestun quam Radulfus de Ver eis dedit sicut carta eius testatur saluo seruitio meo Et in territorio de Molle Totam terram et pratum et nemus Et totum Hulocheshou in bosco et plano et pastura excepta una acra terre que Anselmus dedit Waltero cementario Que predictus Anselmus de Molle dedit predicte ecclesie Kelchoensi et que Ricardus de Lincolnia et Mathild filia et heres legitima eiusdem Anselmi eidem ecclesie concesserunt et carta sua confirmauerunt Tenendam per diuisas nominatas in cartis predictorum Anselmi Ricardi de Lincolnia et Mathild filie Anselmi sicut Carte eorum testantur saluo seruitio meo Et in territorio de Lesmahaggu donacionem illam quam Willelmus Cumin fecit eis de terra illa de qua controuersia fuit inter eundem Willelmum Cumin et abbatem de Kelchou Tenendam per easdem diuisas que continentur in carta eiusdem Willelmi Cumin sicut carta eius testatur saluo seruitio meo Et ex donacione Symonis Fraser Ecclesiam de Keth que fuit eiusdem Symonis cum terra ad eandem ecclesiam pertinente per diuisas nominatas in carta predicti Symonis Fraser et cum omnibus eiusdem ecclesie justis pertinentiis sicut carta iam dicti Symonis testatur saluo seruitio meo Preterea concedo et firmiter precipio ut abbas de Kelchou et eiusdem loci monachi teneant et habeant in perpetuum terram de qua controuersia fuit inter eos et monachos de Maylros per easdem diuisas per quas illam tenuerunt anno et die quo Rex Dauid auus meus fuit uiuus et mortuus ita ut nec erga eos nec erga aliquem alium in posterum intrent in Placitum de Diuisis illis neque de terra siue de bosco que infra diuisas illas sunt Prohibeo etiam firmiter ne quis eis in posterum iniuriam inde faciat super meam plenarium defensionem Prenominatas igitur terras omnes et Ecclesias et earum capellas et omnes earum obuentiones cum terris decimis et omnibus earum justis pertinentiis et Rectitudinibus prenominate ecclesie Sancte Marie de Kelchou et propriis usibus et sustentationibus monachorum ibidem Deo seruientium in liberam et perpetuam elemosinam concedo et presenti Carta mea confirmo Ut omnes predictas terras et ecclesias et Tenementa cum omnibus justis pertinentiis suis ita libere quiete Plenaria et honorifice habeant et in liberam et perpetuam elemosinam possideant sicut aliquas alias elemosinas in Regno Scottorum liberius quietius plenius et honorificentius habent et possident Et sicut Carte donatorum et aduocatorum predictarum terrarum siue Ecclesiarum eisdem monachis donant et confirmant saluo seruitio meo de Illis de quibus seruitium de Jure habere debeo Testibus Jocelino Episcopo Glasguensi Comite Dauid fratre meo Erkambaldo abbate de Dunfermelin Hugone Cancellario meo Symone archidiacono Glasguensi Willelmo de Morevill Constabulario meo Roberto de Londoniis Roland filio Uchtred Willelmo de Lindes Malcholmo filio [Comitis Dunecani] Philippo de Valoniis Alano filio Walteri Geruasio Auenel constabulario de Rokesburg Waltero Corbet Ranulfo de Sules Herberto de Machuswell Thoma de Colevill Roberto [] Philippo de Setune Herberto Mareschallo Bernardo de Haudene Apud Rokesburg