Charter Document - 07360002

David Dei gratia rex illustris Scottorum omnibus sancte matris ecclesie filiis et fidelibus salutem Notum sit omnibus presentibus et futuris me fundasse dum sui comes quoddam monasterium in Selechirche ad abbatiam in honorem sancte Marie virginis et sancti Johannis Evangeliste pro salute mea et omnium antecessorum et successorum meorum Sed postquam divina clementia post obitum fratris mei regis Alexandri successi in regnum consilio et ammonicione venerabilis memorie Johannis episcopi Glasguensis aliorumque procerum meorum predictum monasterium quod locus non erat conveniens abbatia apud Roxburgum transtuli in ecclesiam beate Marie Virginis que sita est super ripam fluminus Twede in loco qui dicitur Calkou quam ecclesiam Robertus Sancti Andree episcopus in cujus erat episcopatu pro Dei amore et meo concessit mihi et ejusdem loci abbati et monachis solutam et quietam et ab omni subjectione et exactione liberam ita scilicet ut abbas et monachi supradicte ecclesie a quocunque episcopo voluerint in Scotia vel in Cumbria chrisma suum et oleum et ordinationem ipsius abbatis et monachorum et cetera ecclesie sacramenta accipiant Ego vero huic ecclesie in elemosinam perpetuam donavi villam de Kelchou cum suis rectis divisis in terris et in aquis solutam et quietam et ab omni exactione liberam Et quotiescunque in eadem ecclesia in solemnitatibus vel in aliis diebus servicium Dei audiero omnes offerendas meas et omnium qui mecum erunt perpetuam dedi in elemosinam Et in Edinham de molendino xij celdras de brasio quolibet anno Et de mora de Edynham ad fodiendum cespites ad faciendum ignem a quodam fossato quod descendit de quadam alia mora transeundo recto tramite illam moram usque ad tres magnos lapides ex altera parte existentes Et in burgo de Roxburgh xl solidos de censu uno quoque anno et omnes ecclesias et scolas ejusdem burgi cum omnibus earum pertinenciis et unum toftum juxta ecclesiam sancti Jacobi et alterum in novo burgo et terram que fuit Gualteri Cymentarii et in molendinis xx celdras inter farinam et frumentum et septimam partem piscature Et in Sprouston unam carucatam terre et decem acras et maisuras carucata pertinentes et tres acras de prato et ecclesiam ejusdem ville et terram ecclesie pertinentem domino Johanne episcopo Glasguensi simul dante et episcopali auctoritate confirmante Et villam Ravendene sicut unquam in meo dominio eam melius habui in terris et aquis in pasturis de Sprouiston et moram ad fodiendum turvas communes hominibus de Ravendene sicut hominibus de Sproviston Et in Berewyc unam carucatam terre et unam maisuram carucata pertinentem juxta ecclesiam Sancti Laurentii et alteram maisuram in burgo et xl solidos de censu ejusdem burgi uno quoque anno et dimidiam partem unius piscatura que vocatur Berewycstreem et septimam partem molendinorum Et villam de Mydilham et Bouldene sicut unquam melius habui in terris et in bosco in aquis et plano Et xxx acras terre de territorio Lyllesclef inter Alnam et rivulum qui dividit terram de Myddilham et de Lyllescleve et decimam molendini ejusdem ville scil[icet] Lyllescleve Et Withelawe cum suis rectis divisis sicut eam melius habui in meo dominio Et terram de Selkyrke sicut rivulus descendens a montibus currit in Gierwa usque ad rivulum illum qui descendens de Crossansmer currit in Twede et ultra eundem rivulum qui cadit in Gierwam quandam particulam terre inter viam que venit de castello et super veterem abbatiam cadit in eundem rivulum et Gierwam et veterem villam sicut unquam melius habui in terris et in bosco in aquis et in plano Et aquas meas circa Selekirke communes ad piscandum suis propriis piscatoribus ut meis et pasturas meas communes suis hominibus ut meis et bosco meos domibus suis faciendis et ad ardendum ut mihi Et Traverlen cum suis rectis divisis sicut Vineth eam melius et plenius tenuit et habuit Et craggam ejusdem ville sicut domini abbas Alfwynus Sancte Crucis et Arnoldus abbas de Kalchou se ad invicem concordaverunt de quadam calumpnia que fuit inter eos de ipsa cragga coram hiis testibus Radulpho abbate de Newbotill et aliis Hanc autem Traverlin dedi predicte ecclesie de Kelchou in ex cambium x libratorum terre quam habuerunt in Hardingesthorn juxta Northamtoun quam mihi Et in Renfru unum accomodaverunt ad meum magnum negotium toftum et unam navim et piscaturam unius retis solutam et quietam et ab omni exactione liberam Et decimam animalium et porcorum et caseorum de can de quatuor cadrez de illa Galweia quam vivente rege Alexandro habui per unum quemque annum et decimam caseorum de Tweddal similiter per unum quemque annum Et medietatem coriorum coquine et de omnibus occisionibus meis omniumque successorum meorum ita ut ubicumque unum corium habuero habeant monachi et alterum Et similiter de unctis et sepis sicut de coriis Et omnes pelles arietum et agnorum Et decimam coriorum cervorum et cervarum quos vestarii mei capient Hos autem reditus coquine mee et occisionem mearum dedi eis pro illa terra tantum quam vivente rege Alexandro habui Et in Karsah unam salinum Et omnia supradicti monasterii abbati et monachis ita libere et pacifice jure perpetuo possidenda confirmavi ut mihi succidentium nullus nichil omnino nisi solas orationes ad anime salutem de supradicta ecclesia exigere presumat Hiis testibus Henrico filio regis et aliis Et preterea ecclesiam de Selkirke liberam et quietam sicut elemosina debet dari et concedi ita scil[icet] quod predicti abbates sint capellani mei et filii mei et successorum meorum de predicta ecclesia