Charter Document - 07352011
| Charter Number: | 07352011 |
|---|---|
| Cartulary Title: | Liber Cartarum Sancte Crucis |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1199 |
| Date type: | Assigned |
| Resource Link(s): |
People of Medieval Scotland |
Charter:
Philippus de Euermel secundus omnibus sancte matris ecclesie filijs salutem Sciant tam futuri quam presentes me dedisse et hac mea carta confirmasse Deo et ecclesie Sancte Crucis de Edenburgh et canonicis ibidem Deo servientibus totam illam terram quam tenuerunt de patre meo in Romanoch et coluerunt ipsi et homines sui sicut melius eam tenuerunt die una aut nocte tempore patris mei Preterea do eis in incrementum pro anima patris mei et pro animabus predecessorum meorum et pro salute anime mee et animarum successorum meorum terram que jacet contermina et proxima terre eorum ex aquilonali parte totam sicut extendit se ad latitudinem terre sue usque ad divisas terre mee et Lynton Similiter et illam que est contermina et proxima terre sue ex australi parte totam scilicet sicut extendit se per longitudinem terre sue usque ad divisas et terminos terre mee Et communem pasturam in tota Romanoch ad mille oves et ad sexaginta animalia et ad horacium suum et ad pecunias hominum suorum in supradicta terra manentium et si ipsi forte non habuerint ibi oves concedo ut habeant ibi centum animalia in loco mille ovium et si habuerint ibi oves et non plenaria mille quotquot defuerint in loco decem ovium unum animal habeant et si horacium suum ibi non fuerit in loco unius cujusque eque unum animal habeant Et concedo ut ipsi sive homines sui colant incrementa predictarum terrarum ubi potuerint et voluerint sicut reliquam terram suam Volo itaque et concedo ut ipsi supradictam terram cum incrementis et cum communi pastura ut supradictum est possideant et teneant de me et heredibus meis cum aysiamentis suis omnibus in bosco et plano in aquis et pratis et pascuis in focali in liberam et puram et perpetuam elemosinam liberam et quietam ab omni exercitu et expeditione et omni forinseco servitio et auxilio et operatione et seculari exactione ita quod ego et heredes mei post me acquietabimus in perpetuum et respondebimus de omnibus servitijs et accidentijs que spectant vel spectare poterunt versus predictam terram aut animalia que in ea sunt vel erunt ita quod prefati canonici aut sui qui in terra illa manebunt nichil michi vel heredibus meis aut alicui viventi de predicta terra faciant nisi cum ad molendinum meum venerint ibi ad sextum decimum vas molent sine aliqua molendini operatione hiis testibus domino Willelmo cancellario domini Regis Hugone de Prebenda et aliis