Charter Document - 07352007
| Charter Number: | 07352007 |
|---|---|
| Cartulary Title: | Liber Cartarum Sancte Crucis |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1198 - 1214 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filijs et fidelibus Willelmus de Veteri ponte salutem Notum sit tam presentibus quam futuris me pro salute domini mei regis Willelmi et regine et filij eorum Alexandri et pro salute animarum regis David et regis Malcolmi et comitis Henrici et pro salute anime mee et pro animabus patris mei et matris mee et pro salute animarum predecessorum meorum et successorum universorum dedisse et concessisse et hac mea carta confirmasse Deo et Sancte Cruci de Edeneburg et canonicis ibidem Deo servientibus et servituris in puram et perpetuam elemosinam totam terram meam de Okelssas cum omnibus justis divisis suis et rationabilibus pertinencijs in bosco et plano in pratis et pascuis in moris et mariscis in vijs et semitis in aquis et stagnis in lacubus et petarijs in terra culta et inculta Tenendam sibi jure perpetuo adeo libere honorifice plenaria quiete et solute ab omni servicio consuetudine auxilio exercitu et exactione ut aliqua elemosina in toto regno scotie tenetur et possidetur aut teneri debet vel possideri salvo servicio domini Regis de me et heredibus meis Ita tamen quod medietas redditus tocius hujus terre annuatim detur ad Mandatum pauperum quod fit in Cena Domini altera medietas ad opus ecclesie usque ad ipsius operis consummacionem que tunc per consilium Abbatis et conventus in majoribus domus necessarijs distribuatur Hijs testibus Michaele Flandrense vicecomite de Edeneburg Waltero capellano Regine Walto et Hutredo de Hadintoun et Boultoun capellanis Walto Giffard Walto medio de Veteri ponte Adam de Hastinges Arketillo de Mannvers Herberto de camera Ricardo Flinthard Waldeuo de aula de Berewic Dikin incisore Hugone Flinthard et alijs quam pluribus