Charter Document - 07351002
| Charter Number: | 07351002 |
|---|---|
| Cartulary Title: | Liber Cartarum Sancte Crucis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1164 |
| Date type: | Internal, A.D., Calendar, Papal |
| Resource Link(s): |
People of Medieval Scotland |
Charter:
Alexander Episcopus servus servorum Dei dilectis filiis Willelmo abbati Sancte Crucis de Castello Puellarum ejusque fratribus tam presentibus quam futuris canonice substituendis in perpetuum Quum sine vero cultu religionis nec caritatis unitas potest subsistere nec Deo gratum exhiberi servitium expedit apostolice auctoritati religiosas personas deligere et earum quieti auxiliante domino providere Ea propter dilecti in Domino filii vestris justis postulationibus clementer annuimus et prefatam Sancte presentis scripti privilegio communimus Crucis ecclesiam in qua divino mancipati estis obsequio sub Beati Petri et nostra protectione suscipimus et In primis siquidem statuentes ut ordo canonicus qui secundum Deum et Beati Augustini regulam in eadem ecclesia institutus est perpetuis ibidem temporibus inviolabiliter conservetur Preterea quascunque possessiones quecunque bona [] Rationabiles preterea libertates quas bone memorie David rex Scottorum vobis concessit et scripto autentico roboravit vobis auctoritate apostolica confirmamus Cum autem commune interdictum terre fuerit liceat vobis clausis januis non pulsatis tintinabulis exclusis excommunicatis et interdictis suppressa voce divina officia celebrare Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astutia seu violencia preponatur nisi quem fratres communi consensu vel fratrum pars sanioris consilii secundum Dei timorem et Beati Augustini regulam previderint eligendum Decernimus ergo ut nulli omnino hominum liceat prefatam ecclesiam temere perturbare [] Amen Amen Amen Sanctus Petrus Sanctus Paulus Alexander Papa tertius Vias tuas Domine demonstra michi Ego Alexander catholice ecclesie episcopus Subscribi Ego Hubaldus Hostiensis episcopus Ego Barnardus Portuensis et Sancte Rufine episcopus Ego Gualderius Albanensis episcopus Ego Hubaldus presbeteri cardinalis tituli Sancte Crucis in Jerusalem Ego Henricus presbeteri cardinalis tituli Sanctorum Nerei et Achillei Ego Johannes presbeteri cardinalis tituli Sancte Anastatie Ego Guillelmus tituli Sancti Petri ad vincula presbeteri cardinalis Ego Jacintus diacono cardinalis Sancte Marie in Cosmedin Ego Oddo diacono cardinalis Sancti Nicolai in carcere tulliano Ego Boso diacono cardinalis Sanctorum Cosme et Damiani Ego Cinthius diacono cardinalis Sancti Adriani Ego Petrus diacono cardinalis Sancti Eustachii juxta templum Agrippe Ego Manfredus diacono cardinalis Sancti Georgii ad velum aureum Data Senon per manum Nerinani Sancte Romane Ecclesie subdiaconi et notarii iiij Kalendas Augusti indictione duodecima Incarnacionis Dominice anno MCLXIIIJ Pontificatus vero Domini Alexandri Pape iii anno v