Charter Document - 07350051
| Charter Number: | 07350051 |
|---|---|
| Cartulary Title: | Liber Cartarum Sancte Crucis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1172 - 1174 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Rex Scott[orum] Episcopis Abbatibus Comitibus Baronibus Justiciis Uicecomitibus Ministris et Omnibus probis hominibus totius terre sue Clericis et Laicis salutem Sciant presentes et futuri me dedisse et concessisse et hac carta mea confirmasse Deo et ecclesie Sancte Crucis de Edenesburch et canonicis in eadem ecclesia Deo seruientibus in liberam et perpetuam elemosinam ecclesias siue capellas in Galweia que ad ius abbatie de Hij Columchille pertinent cum omnibus decimis et aliis beneficiis ecclesiasticis Scilicet ecclesiam que dicitur Kirchecormach et ecclesiam Sancti Andree et illam de Balencros et illam de Cheletun Uolo itaque ut predicti canonici predictas ecclesias siue capellas cum terris et omnibus rectitudinibus et libertatibus suis in bosco et plano in pascuis et Pratis in aquis et piscationibus et in omnibus predictarum ecclesiarum iustis pertinentiis teneant et possideant ita libere et quiete plenaria et honorifice sicut alias elemosinas suas liberius quietius plenius et honorificentius tenent His testibus Matheo episcopo de Aberdon Andree episcopo de Caten Waltero Cancellario Johanne abbate de Chelcho Herberto priore de Cold Comite Dunecano Nesio filio Willelmi Hugone clerico regis Hugone capellano Hugone clerico cancellarii Johanne clerico cancellarii Apud Forfar