Charter Document - 07350015
| Charter Number: | 07350015 |
|---|---|
| Cartulary Title: | Liber Cartarum Sancte Crucis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1161 - 1162 |
| Date type: | Assigned |
| Resource Link(s): |
People of Medieval Scotland |
Charter:
M[alcolmus] Rex Scott[orum] Episcopis Abbatibus Justiciis Comitibus Baronibus Vicecomitibus prepositis Ministris cunctisque aliis probis hominibus totius terre sue salutem Sciant moderni et posteri Clerici et Laici me concessisse et regie potestatis munimento confirmasse Deo et Ecclesie Sancte Crucis de Castello puellarum et Willelmo abbati eiusdem loci et eiusdem successoribus et canonicis ibidem Deo et Sancte Crucis seruituris et seruientibus Ecclesiam de Kinel cum omnibus eius pertinentiis quam Herbertus Camerarius meus eis dedit in liberam et perpetuam Elemosinam et carta sua confirmauit Stephano et Willelmo eius filiis idem concedentibus Volo itaque et concedo et firmiter precipio ut predictus Abbas et canonici prefati eandem ecclesiam cum omnibus eius rectitudinibus terris decimis ceterisque eius pertinentiis omnibus ita libere et quiete teneant et possideant sicut Herbertus ipse eam eis dedit melius et plenarium et carta sua confirmauit et sicut aliquod ecclesie beneficium in terra mea liberius et quietius tenetur et possidetur Salua tenura Willelmi clerici Nepotis Camerarii Herberti quamdiu ipse Ecclesiam prefatam tenere uoluerit T[estibus] Ernaldo Episcopo de Sancti Andree Johanne abbate de Kelcho Osberto Abbate de Jeddewr Engelramo Archidiacono Roberto Auenel Willelmo de Veteri Ponte Apud Castellum puellarum