Charter Document - 07330261
| Charter Number: | 07330261 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[R]obertus Dei gracia rex Scottorum camerario suo Scocie et ministris suis qui pro tempore fuerint salutem Sciatis quod precepimus prepositis et balliuis burgi de Rutherglen quod ipsi ecclesie Glasguensis uel eius procuratori annuatim persolui faciant de firmis burgi predicti ad terminos consuetos quadraginta solidos argenti ad sustentacionem luminaris eiusdem ecclesie et centum solidos ad sustentacionem vnius capellani diuina celebrantis in eadem et sex marcas ad sustentacionem vnius diaconi et vnius subdiaconi in dicta ecclesia perpetuo ministrancium quas quidem pecunie summas dicta ecclesia Glasguensis et successores beati Kentegerni tempore bone memorie domini Alexandri regis Scocie et aliorum predecessorum nostrorum Scocie regum annuatim percipere consueuerunt Quare vobis precipimus et mandamus quatinus cum dicti prepositi et balliui de Rutherglen litteras prefate ecclesie vel eius procuratoris de prefatis summis pecunie receptis vobis presentauerint ipsas summas pecunie eisdem prepositis et balliuis plenius allocari faciatis Et quid in hoc apposueritis vobis in compotis vestris plenaria volumus al locari In cuius rei testimonium has litteras nostras patentes dicte ecclesie Glasguensi fieri fecimus perpetuo duraturas Datum apud Abirbrotht xiii die Marcii anno regni nostri nono