Charter Document - 07330260
| Charter Number: | 07330260 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[R]obertus Dei gracia rex Scottorum prepositis et balliuis burgi de Rutherglen qui pro tempore fuerint salutem Quia tempore bone memorie domini Alexandri regis Scocie predecessoris nostri et aliorum predecessorum nostrorum regum Scocie ecclesia Glasguensis et successores beati Kentegerni annuatim percipere consueuerunt de firmis burgi de Rutherglen quadraginta solidos argenti ad sustentacionem luminaris eiusdem ecclesie et centum solidos ad sustentacionem vnius capellani diuina celebrantis in eadem et sex marcas ad sustentacionem vnius diaconi et vnius subdiaconi in ecclesia predicta perpetuo ministrancium Vobis mandamus et precipimus quatinus predictas summas pecunie de firmis antedictis prefate ecclesie Glasguensi vel eius procuratori ad opus dictorum ministrorum et luminaris ad terminos consuetos annuatim persolui faciatis sine dilacione litteras acquietancie penes vos capientes de receptis et presentes litteras eorundem portitoribus liberantes Et quid apposueritis precepimus in compotis vestris vobis per camerarium nostrum plenius al locari In cuius rei testimonium has litteras nostras patentes dicte ecclesie Glasguensi fieri fecimus perpetuo duraturas Datum apud Abirbrothoc xiii die Marcii anno regni nostri nono