Charter Document - 07330259
| Charter Number: | 07330259 |
|---|---|
| Cartulary Title: | Registrum episcopatus Glasguensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gratia rex Scottorum camerario suo Scocie qui pro tempore fuerit salutem Quia ecclesia Glasguensis et successores sancti Kentegerni tempore bone memorie regis Alexandri predecessoris nostri annuatim percipere solebant de firmis de Rotherglen et de Cadihou ad certos terminos centum solidos sterlingorum pro stipendio vnius capellani in dicta ecclesia ministrantis et decem marcas sterlingorum pro stipendiis vnius diaconi et subdiaconi in ecclesia eadem ministrancium ac etiam quadraginta solidos sterlingorum pro luminari sancti Kentegerni a prepositis et balliuis de Rutherglen et de Cadyou firmitere dedimus in mandatis quod ipsi dictas summas pecunie ad opus dictorum ministrorum de dictis firmis ad terminos consuetos prout persolui consueverunt annuatim persolvant et litteras acquietancie de dictis summis pecunie per ipsos solutis penes se recipiant Quare vobis mandamus et precipimus quatenus dictis litteris acquietancie per dictos ballivos vobis annuatim presentatis dictas summas pecunie eisdem ballivis in compotis suis annuatim allocetis et nos ipsas vobis in compotis vestris annuatim volumus allocari Datum apud Dumbretan xxv die Februarii anno regni nostri ix